लोणी बु. गावासाठी १५०० डोस देण्यात आले. सूरज गुप्ता यांच्यासह समता फाऊंडेशनचा चमू लोणी बु. मध्ये दाखल झाला. सकाळी ८.३० वाजता लसीकरणास सुरुवात करण्यात आली. गावातील नागरिकांनी लसीकरणास उत्स्फूर्तपणे साथ दिली. दुपारी २ वाजेपर्यंत जवळपास १५०० डोस समता फाऊंडेशनतर्फे मोफत देण्यात आले. लसीकरणासाठी ग्रामपंचायत सदस्य विनोद पाटील बोडखे यांनी समता फाऊंडेशनचे रिसोड येथील संतोष वाघमारे यांच्याशी समन्वय साधून कॅम्पचे आयोजन केले होते. दुपारी २ वाजेपर्यंत जवळपास ५१० हून अधिक महिला, पुरुष, युवकांनी लसीचा पहिला डोस घेतला.
००००
लसीकरणासोबत मास्कही मोफत
कोरोना प्रतिबंधक लस घ्या आणि सोबत मोफत मास्कही मिळवा, असा उपक्रम लोणी गावात राबविण्यात आला. यावेळी लस घेतलेल्या नागरिकांना मास्क मोफत देण्यात आले. लसीकरणाला गावातील नागरिकांचा मोठा प्रतिसाद मिळाला. लसीकरण यशस्वी होण्यासाठी ग्रामपंचायत पदाधिकारी, प्राथमिक आरोग्य उपकेंद्र कर्मचारी, जिल्हा परिषद शाळा शिक्षक, अंगणवाडी सेविका, मदतनीस, आशा सेविका यांचे मोलाचे सहकार्य लाभले.