गावात पार पडलेल्या कोरोना लसीकरण मोहिमेत गावातील नागरिकांचा उत्स्फूर्त प्रतिसाद मिळत आहे. गावाचे १०० टक्के लसीकरण पूर्ण करुन गाव कोरोनामुक्त करण्याचा ध्यास आता गावातील नागरिकांसह ग्राम दक्षता समितीने घेतला आहे. कोरोना विरुद्धचा लढा जिंकण्यासाठी आपले गाव कोरोनामुक्त करण्यासाठी गावातील प्रत्येक नागरिकांनी कंबर कसली असून २० ऑगस्ट रोजी झालेल्या लसीकरण शिबिरात एकूण ५०१ नागरिकांनी कोरोना लस घेतली आहे. यासाठी गावातील नागरिकांचा मोठा उत्स्फूर्त प्रतिसाद मिळत आहे. लसीकरण शिबिर दरम्यान वाशिमचे तहसीलदार विजय साळवे, गटविकास अधिकारी प्रमोद बदरके,नोडल अधिकारी सुभाष कव्हर यांनी भेट देऊन ग्रामपंचायतच्या कार्याचे कौतुक केले.
-----------------
दक्षता समितीमुळे लसीकरणाबाबतचा संभ्रम दूर
लसीकरण विषयी पसरलेल्या विविध अफवांमुळे जनतेच्या मनात संभ्रम निर्माण झाला होता. हा संभ्रम दूर सारुन १०० टक्के लसीकरण पुर्व करण्याचे ध्येय गाठण्याच्या हेतुने ग्राम दक्षता समितीने विशेष प्रयत्न केले. या समितीसह जि.प सदस्य डॉ. सुधिर कव्हर, सरपंच ज्योती अर्जुन कव्हर, ग्रामविकास अधिकारी श्याम बरेटीया, वैद्यकीय अधिकारी डॉ. विजय काळे यांच्यासह आशासेविका, अंगणवाडी सेविका, आरोग्य कर्मचारी,जि.प. शाळेतील सर्व कर्मचारी ,उमेद अंतर्गत काम करणारे बचत गट प्रतिनिधी, तलाठी, ग्रामविकास अधिकारी,कृषी सहायक, पोलीस पाटील, ग्राम पंचायत सदस्य, ग्राम पंचायत कर्मचारी, कोतवाल आदिंनी परिश्रम घेतले.