तहसीलदारांकडून प्राप्त माहितीच्या आधारे जिल्हा प्रशासनाने विभागीय आयुक्त (पुनर्वसन विभाग) यांच्याकडे २० मार्च रोजी ६६९७ शेतकºयांच्या ४८८० हेक्टरवरील पिकांचे नुकसान झाल्याचा प्राथमिक अहवाल सादर केला होता. त्यानंतरही अवकाळी पाऊस व गारपीट सुरूच असून नुकसानग्रस्त गावे व शेतकऱ्यांचा आकडा वाढला आहे. त्यानुषंगाने १९ ते २१ मार्च या कालावधीत झालेल्या नुकसानाचा सुधारित अहवाल शासनाकडे पाठविण्यात आला आहे. त्यानुसार, वाशिम तालुक्यातील ६ महसूली मंडळातील ३९ गावांमध्ये १६९३ हेक्टरवरील कांदा, कडधान्य व भाजीपाला पिकांचे नुकसान झाले. यामुळे २१२३ शेतकरी बाधीत झाले आहेत. मालेगाव तालुक्यातील ६ महसूली मंडळातील ४० गावांमध्ये ११७० हेक्टरवरील उन्हाळी सोयाबीन, मूग, गहू, पपई, आंबा, उडीद, तीळ, कांदा, कडधान्य व भाजीपाला पिकांचे नुकसान झाले. यामुळे १८६१ शेतकरी बाधीत झाले आहेत. रिसोड तालुक्यातील ३ महसूली मंडळातील २० गावांमध्ये १६८४ हेक्टरवरील पिकांचे नुकसान झाले असून २१८७ शेतकरी बाधित झाले आहेत. मंगरूळपीर तालुक्यातील ३ महसूली मंडळातील २२ गावांमध्ये ५०९ हेक्टरवरील पिकांचे नुकसान झाले असून ५५८ शेतकरी बाधित झाले आहेत. तसेच मानोरा व कारंजा तालुक्यातील ४ महसुली मंडळातील २१ गावांमध्ये ५३६ हेक्टरवरील पिकांना फटका बसला आहे. यात ८७२ शेतकरी बाधित झाले आहेत, असा प्राथमिक नुकसानाचा अहवाल शासनाकडे पाठविण्यात आला आहे.
..........................
रिसोड तालुक्यात बिजवाई कांदा, टरबुजाचे प्रचंड नुकसान
रिसोड तालुक्यात २१ मार्च रोजी वादळी वारा व गारपिटीमुळे बिजवाई कांदा, टरबुजाचे प्रचंड नुकसान झाले. यामुळे शेतकरी आर्थिक संकटात सापडले आहेत. पळसखेड येथील नुकसानग्रस्त शेतकऱ्यांनी पंचायत समिती सभापती सुभाष खरात यांच्यासह महसूल विभागाला याबाबत अवगत केले. त्यावरून २२ मार्च रोजी मंडळ अधिकारी, तलाठी व कृषी विभागातील कर्मचाऱ्यांनी पळसखेड येथे जाऊन नुकसानाचे पंचनामे केले.
...................................
बॉक्स :
गारपिटीने तालुकानिहाय झालेले नुकसान
वाशिम - बाधित गावे - ३९ - बाधित क्षेत्र १६९३ हे.
मालेगाव - बाधित गावे - ४० - बाधित क्षेत्र ११७० हे.
रिसोड - बाधित गावे - २० - बाधित क्षेत्र १६८४ हे.
मंगरूळपीर - बाधित गावे - २२ - बाधित क्षेत्र ५०९ हे.
मानोरा - बाधित गावे - १७ - बाधित क्षेत्र ८६५ हे.
कारंजा - बाधित गावे - ०४ - बाधित क्षेत्र ०५ हे.