लोकमत न्युज नेटवर्कउंबर्डाबाजार : कारंजा तालुक्यातील उंबर्डा बाजार येथून जवळ च असलेल्या ग्राम पिंपरी भोयर येथील हिरालाल तुकाराम निचळ या ५० वर्षीय शेतकºयाने गळफास घेऊन जीवनयात्रा संपविल्याची घटना २ मे रोजी दुपारच्या सुमारास उघडकीस आली .प्राप्त माहितीनुसार पिंपरी भोयर येथील शेतकरी हिरालाल तुकाराम निचळ यांनी गावालगतच्या पाटील यांच्या शेताच्या धुºयावरील कडूनिंबाच्या झाडाला गळफास घेऊन आत्महत्या केली. ही घटना काही ग्रामस्थांना दुरून दिसल्याने त्यांनी तातडीने घटनास्थळ गाठून हिरालाल निचळ यांचा जीव वाचवण्यासाठी प्रयत्न करून त्याला उंबर्डाबाजार येथील आरोग्यवर्धिनी केंद्रात आणले. त्यावेळी वैद्यकीय अधिकाऱ्यांनी त्यांना तातडीने कारंजा उपजिल्हा रुग्णालयात दाखल करण्याचा सल्ला दिला; कारंजा उपजिल्हा रुग्णालयात दाखल करताच डॉक्टरांनी मृत घोषित केले. मृतक हिरालाल निचळ यांचे नांवे सामुहिक क्षेत्रात शेती आहे. त्यांच्या आत्महत्येचे कारण मात्र कळू शकले नाही. हिरालाल निचळ यांच्या पश्चात बराच मोठा आप्त परिवार आहे. या प्रकरणी कारंजा ग्रामीण पोलिसांनी आकस्मिक मृत्यूची नोंद केली असून, पुढील तपास ठाणेदार दिगांबर इंगळे यांच्या मार्गदर्शनाखाली पुढील तपास पोलीस करीत आहेत.
पिंपरी भोयर येथील शेतकऱ्याची आत्महत्या
By लोकमत न्यूज नेटवर्क | Updated: June 2, 2020 17:31 IST