शिकारीसाठी लावलेल्या फासात अडकला बिबट

वाशिम जिल्ह्यातील घटना : उपचार करुन दिले जंगलात सोडून.

मानोरा (जि. वाशिम) : मानोरा तालुक्यातील वन विभागाच्या मेंद्रा बिटमध्ये ग्रामस्थांनी टाकलेल्या जाळय़ात बिबट्याचे पिलू अडकले. वनविभागाच्या प्रयत्नानंतर बिबट्याला मेंद्राबीट अंतर्गत वनात परत सोडण्यात आल्याची माहिती वनविभागाच्यावतीने ६ मे रोजी देण्यात आली. मानोरा तालुक्यातील आसेगाव पोलीस स्टेशन अंतर्गत असलेल्या मेंद्रा बिटमध्ये ५ मे रोजी सकाळी ९ वाजताच्या दरम्यान जाळय़ात बिबट्याचे लहान पिलू अडकल्याची माहिती स्थानिक वनरक्षक व्ही.एस.घुले यांनी वरिष्ठांना दिली. माहिती मिळताच वनविभागातर्फे मानोरा,अकोला व अमरावतीचे वन विभागाचे पथक पिंजरा घेऊन घटनास्थळी दाखल झाले. जाळ्यात अडकलेल्या बिबट्याला जाळ्य़ातून मोकळे केले. त्यानंतर पशुवैद्यकीय अधिकार्‍यांने उपचार केले. त्यानंतर सायंकाळी बिबट्याच्या पिलास जंगलात सोडण्यात आले.