येथील ग्रामपंचायतीच्या निवडणूक निकालात अनेक प्रस्थापित ग्रामपंचायत सदस्यांना हादरा बसून मतदार बांधवांनी काही नवीन चेहऱ्यांसह दोन जुन्याच चेहऱ्यांना संधी दिली.
येथील प्रभाग क्र. ४ मध्ये सिंधूताई अशोक मोरे या केवळ एका मताने विजयी झाल्या. प्रभाग क्र. ५ मधून दुर्गाताई सुभाष घोडे २२७ मतांनी विजयी झाल्या.
अत्यंत चुरशीच्या झालेल्या उंबर्डा बाजार ग्रामपंचायतीच्या निवडणुकीत प्रभाग क्र. १ मधून रवी काशीनाथ श्रीराव (२४४), सारिका अशोकराव नेमाडे (३३७), निर्मला अरुण उघडे (३२७), प्रभाग क्र. २ मधून राज नरहरी चौधरी (२८०), कमरुन्निसा अब्दुल जब्बार(१९१), प्रभाग क्र. ३ मधून रघुनाथ पिसाजी भगत (१७२) रंजना अरूण इंगोले (१६३), प्रभाग क्र. ४ मधून शरद पांडुरंग पचगाडे (३५९) अशोकराव रामचंद्र ढोरे (३३७) , सिंधू अशोक मोरे ३२८, प्रभाग क्र. ५ मधून भारत विठ्ठलराव कानडे (३६५), दुर्गाताई सुभाष घोडे (४७२), कांचन योगेश श्रीराव (४२३) मताधिक्क्याने विजयी झाल्या.
गावात शांतता व सुव्यवस्था अबाधित राहण्याच्या दृष्टीने ग्रामीण पोलीस स्टेशनचे ठाणेदार गजानन धंदर यांचे मार्गदर्शनाखाली चौकी जमादार कैलास गवई, राजू बंगाले व त्यांच्या सहकाऱ्यांनी चोख बंदोबस्त ठेवला होता. यावेळी गावातून रॅपिड ॲक्शन फोर्सच्या जवानांनी गावातील प्रमुख मार्गांवरून पथसंचलन केले.