फ्रीडम रनमध्ये एनसीसी कॅडेट्सचा सहभाग

फ्रीडम रनची सुरुवात जिल्हा क्रीडांगणापासून करण्यात आली. फ्रीडम रनचे उद्घाटन शिक्षक आमदार ॲड. किरणराव सरनाईक यांच्या हस्ते हिरवी झेंडी दाखवून करण्यात आले. या फ्रीडम रनमध्ये ११ महाराष्ट्र बटालियन अकोलाचे कमांडिंग ऑफिसर संजय पांडे यांच्या मार्गदर्शनात व एनसीसी अधिकारी अमोल काळे यांच्या नेतृत्वात बाकलीवाल शाळेच्या एनसीसी चमूने या फ्रीडम रनमध्ये सहभाग नोंदविला. यावेळी आरोग्य सुदृढ ठेवण्याकरिता दररोज अर्धा तास शारीरिक व्यायाम करण्याची सर्वांनी प्रतिज्ञा घेतली व ‘फिटनेस की डोज आधा घंटा रोज’ असा नारा देत फ्रीडम रनचा कार्यक्रम यशस्वी करण्यात आला. या फ्रीडम रनमध्ये बाकलीवाल विद्यालयातील एकूण ५१ एनसीसी कॅडेट्सनी सहभागी घेतला. या सर्व विद्यार्थ्यांना शाळेचे मुख्याध्यापक बबनराव बिल्लारी, उपमुख्याध्यापक दंबिवाल, पर्यवेक्षिका भोंडे व एन.सी.सी. अधिकारी अमोल काळे यांचे मार्गदर्शन लाभले.