मूत्रीघरांची स्वच्छता करण्याची मागणी
वाशिम : स्थानिक जिल्हाधिकारी कार्यालयातील मूत्रीघरांची स्वच्छता करण्यात यावी, अशी मागणी होत आहे. पुरेशा प्रमाणात पाणी नसल्याने ही समस्या सध्या बिकट झाल्याचे पाहावयास मिळत आहे.
नुकसानभरपाई मिळण्याची मागणी
वाशिम : १९ मार्च २०२१ रोजी सोसाट्याचा वारा, अवकाळी पाऊस आणि गारपीट होऊन बिजवाई कांद्याचे नुकसान झाले होते. असे असताना नुकसानग्रस्त शेतकऱ्यांना अद्याप मदत मिळालेली नाही.
मानोरा तालुक्यातील इंटरनेट सेवा ठप्प
मानोरा : भारत नेट योजनेंतर्गत ग्रामपंचायतींना हायस्पीड इंटरनेट सेवा पुरविण्याचे शासनाचे आदेश आहेत; मात्र इंटरनेट जोडणीची कामे संथगतीने सुरू असल्याने इंटरनेट सेवा अद्याप ठप्पच आहे.
जऊळका येथील रस्त्याची दुरवस्था
वाशिम : जऊळका रेल्वे येथील काही ठिकाणच्या अंतर्गत रस्त्यांची दुरवस्था झालेली आहे. ग्रामपंचायतीने याकडे लक्ष पुरवून रस्ता दुरुस्तीची मागणी आहे.