संतप्त ग्राहकांनी केली वीज बिलांची होळी

वाढीव वीज दराचा विरोध; ग्राहक संघटनेचा एल्गार.

वाशिम : विज वितरण कंपनीच्यावतीने वीज दर वाढीचा प्रस्ताव शासनास सादर करण्यात आला आहे. या नव्या प्रस् तावामुळे सर्वसामान्य घरगुती वीज ग्राहक, व्यावसायीकांचे कंबरडे मोडणार आहे. या वीज वितरण कंपनीच्या धोरणाचा निषेध म्हणून आज २७ फेब्रुवारीला दुपारी दोन वाजता स्थानिक पुसद नाका भागात वीज बिलांची होळी करण्यात आली. वीज वितरण कंपनीच्यावतीने शासनास सादर केलेल्या प्रस्तावानुसार सबसिडी रद्द करुन घरगुती, तसेच व्यावसायीक विद्युत ग्राहकांवर २0 ते २२ टक्के दरवाढीचा बोजा लादण्यात येणार आहे. तसेच उद्योगांसाठी असलेले राज्यातील विजेचे दर शेजारील राज्यांच्या तुलनेत दिड पट ते दुप्पट वाढणार आहेत, त्याच प्रमाणे नोंव्हेंबर २0१४ पासून रद्द केलेल्या सवलतीचे दर कायम ठेवणे, १२ टक्के वीज दरवाढ करु नये, तसेच फोटोव्दारे घेण्यात येणारे मिटर रिडींग चुकीच्या पद्ध तीने करु नये याबाबत जिल्हा वीज ग्राहक संघटनेच्यावतीने शुक्रवारी २७ फेब्रुवारीला दुपारी दोन वाजता स्थानिक पुसद नाका भागात वीज बिलांची होळी करण्यात आली. वीज ग्राहक संघटनेचे अध्यक्ष राजु चौधरी यांच्याशी संपर्क साधला असता त्यांनी वीज वितरण कंपनीच्यावतिने वीज दरवाढीचा प्रस्ताव शासनास सादर करण्यात आला असून यामुळे सर्वसामान्यांचे कंबरडे मोडणार असल्याचे स्पष्ट केले. प्रस्तुत आंदोलनात नागरिकांची साथ पाहता यात आपण नक्की यशस्वी होणार असल्याचा विश्‍वास त्यांनी व्यक्त केला.