शिक्षकांना वेतनाची ‘हुलकावणी’!

वाशिम जिल्हा परिषदेच्या वित्त विभाग व पंचायत समितीमधील असमन्वयाचा फटका.

वाशिम: जिल्हा परिषद शाळेच्या प्राथमिक शिक्षकांना मार्च- एप्रिल या दोन महिन्यांचे वेतन मे महिन्याच्या पहिल्या आठवड्यात अदा करण्याचे वित्त विभाग व पंचायत समित्यांचे आश्‍वासन १४ मे पर्यंंतही अंमलात आले नाही. वेतन नसल्याने शिक्षकांना विविध अडचणींना सामोरे जावे लागत आहे. जिल्ह्यात जि.प.चे जवळपास ३५00 शिक्षक आहेत. जिल्ह्यातील सहा पंचायत समिती व जिल्हा परिषद लेखा विभागाच्या असमन्वयामुळे शिक्षकांना वेतनापासून वंचित राहावे लागत आहे. या शिक्षकांना गत दोन महिन्यांपासून वेतन मिळाले नसल्याने बँकांचे कर्ज, विविध प्रकारच्या पॉलिसी, गृह कर्ज यासह अन्य प्रकारचे व्यवहार ठप्प झाले आहेत. वेतन देण्याची मागणी विविध शिक्षक संघटनांनी वित्त विभाग व पंचायत समिती प्रशासनाकडे केली होती. या मागणीच्या अनुषंगाने वित्त विभागाने वाशिम जिल्हा परिषदेच्या जिल्हा निधी खात्यामधून शिक्षकांच्या वेतनापोटी ११ कोटी २४ लाख ६८ हजार रुपये संबंधित पंचायत समित्यांना, त्यांच्या तालुका शाखेतील जिल्हा मध्यवर्ती सहकारी बँकेच्या जिल्हा निधी खात्यामध्ये जमा करण्यासाठी ३0 एप्रिल २0१६ रोजी मंजुरी दिली होती. याबाबतच्या सूचनाही संबंधित पंचायत समितीच्या प्रशासनाला दिलेल्या आहेत, असे जि.प. चे मुख्य लेखा व वित्त अधिकारी डॉ. देवीदास हिवाळे यांनी ६ मे रोजी ह्यलोकमतह्णशी बोलताना सांगितले होते. वाशिम पंचायत समितींतर्गतच्या शिक्षकांचे वेतन का मिळाले नाही, यासंदर्भात लेखाधिकारी हेंद्रे यांच्याशी संपर्क साधला असता, जिल्हा परिषदेकडून ३ मेच्या दरम्यान पंचायत समितीला ह्यवित्तह्ण प्राप्त झाले असून, चार-पाच दिवसांत वेतन अदा केले जाईल, असे ६ मे रोजी सांगितले होते; १0 मे पर्यंंतही वेतन झाले नसल्याने शिक्षक संघटनांनी वित्त विभाग व पंचायत समित्यांकडे वेतनाची मागणी केली असता, दोन-चार दिवसांत वेतन होईल, असे आश्‍वासन दिले. मात्र १५ मे पर्यंंतही शिक्षकांचे वेतन झाले नाही. वेतन झाले नसल्यामुळे विविध प्रकारच्या कर्जावरील व्याजाचा भुर्दंड शिक्षकांना सहन करावा लागणार आहे.