अजंता फाउंडेशनतर्फे ऑक्सिजन प्लांटसाठी दहा लाखांची देणगी

रिसोड येथे सिटी केअर हॉस्पिटल येथे नवीन उभारण्यात येणाऱ्या ऑक्सिजन प्लांटसाठी अजंता फाउंडेशन मुंबई शाखा रिसोडच्या वतीने दहा लाखांची भरीव देणगी देण्यात येणार आहे. याअनुषंगाने सिटी केअर हॉस्पिटलच्या वतीने रिसोड शाखा अध्यक्ष उत्तमचंद बगडिया, संस्थेचे कार्यवाहक विठ्ठलराव वसू व गौरव देशमुख यांचा शाल व श्रीफळ देऊन सत्कार करण्यात आला. यावेळी सिटी केअर हॉस्पिटल चे सर्वेसर्वा डॉ. अजय पाटील, डॉ. बबेरवाल, डॉ. रवी बोरा, डॉ. अनिल तापडिया यांची उपस्थिती होती. यावेळी शाखाध्यक्ष उत्तमचंद बगडिया यांनी या कार्याचे सर्व श्रेय अजंता फाउंडेशन अध्यक्ष मन्नालाल अग्रवाल यांना दिले आहे.