शिरपूर जैन- येथील सर्वधर्मीय शिवप्रेमींतर्फे छत्रपती शिवाजी महाराज यांचा जयंती उत्सव साजरा करण्यात येणार आहे. यानिमित्त शालेय विद्यार्थ्यांसाठी रंगभरण स्पर्धा व ३९१ बॉटल रक्त संकलन करण्यासाठी रक्तदान शिबिराचे आयोजन करण्यात आले आहे.
दरवर्षी १९ फेब्रुवारी रोजी सर्व धर्म शिवप्रेमी यांच्यावतीने शिवजयंती मोठ्या उत्साहात साजरी केली जाते. याहीवर्षी शिवजयंती उत्साहात साजरी करण्यात येणार आहे. मागील काही वर्षाप्रमाणे यावर्षीही शिवजयंतीनिमित्त रक्तदान शिबिराचे आयोजन करण्यात आले आहे. आयोजकांच्यावतीने किमान ३९१ बाॅटल रक्त संकलन करण्याचा संकल्प करण्यात आला. हे रक्तदान शिबिर २१ फेब्रुवारी रोजी सकाळी नऊपासून शिरपूर येथील सरकारी रुग्णालयात घेण्यात येणार आहे. या शिबिरामध्ये महिला रक्तदात्यांसाठी वेगळी व्यवस्था करण्यात येणार आहे. आयोजकांनी केलेल्या संकल्प पूर्ततेसाठी जास्तीत-जास्त युवकांनी रक्तदान शिबिरामध्ये येऊन रक्तदान करावे.,असे आवाहन आयोजकांच्यावतीने करण्यात आले आहे. तसेच शालेय विद्यार्थ्यांसाठी रंगभरण स्पर्धा आयोजित केली आहे. या सर्व कार्यक्रमात जिल्हा प्रशासनाने कोरोनाविषयी घालून दिलेल्या नियमांचे पालन करावे, असे आवाहन आयोजकांनी केले.