वाशिम जिल्ह्यात जिल्हा परिषदेच्या एकूण ७१५ शाळा आहेत. या शाळांत विद्यार्थ्यांसाठी सुसज्ज वर्गखोल्या, प्रशस्त क्रीडांगण, चांगली आसन व्यवस्था आदी सुविधांसह शौचालये आवश्यक आहेत. तथापि, जिल्ह्यातील अनेक शाळांतील शौचालये किंवा प्रसाधनगृहांची अवस्था वाईट झाली आहे. त्यात काहींची मोडतोड झाल्याने त्यांची पुनर्बांधणी करणे गरजेच आहे, तर काहींची दुरवस्था झाल्याने त्यांची दुरुस्ती करणे आवश्यक आहे. जिल्हा परिषदेच्या शिक्षण विभागाकडून या शौचालयांच्या दुरुस्तीची मोहीमही राबविली जात आहे. निती आयोगाच्या निकषानुसार हे काम केले जात आहे. तथापि, प्रक्रिया संथ असल्याने विद्यार्थ्यांना शाळेच्या मागील भागांत किंवा प्रांगणाच्या बाहेर लघुशंका आणि शौचास जावे लागत आहे. जिल्ह्यातील एकूण शाळांपैकी ६६ शाळांतील शौचालयांची अवस्था दयनीय झाली आहे.
-============
शाळांतील तालुकानिहाय शौचालयांची स्थिती
तालुका दुरवस्था झालेली शौचालये मोडकळीस आलेली शौचालये
वाशिम ०७ ०३
मालेगाव ०९ ०३
मं.पीर १० ०२
रिसोड ०७ ०८
कारंजा ०९ ०६
------------------------------------
एकूण ४२ २२
----------------------------------------
१५ शाळांत स्वच्छतागृहेच नाहीत
जिल्ह्यातील ६६ शाळांतील शौचालयांची अवस्था वाईट असताना १५ शाळांत शौचालयेच नाहीत. त्यामुळे या शाळांतील विद्यार्थ्यांना लघुशंकेसाठी बाहेर जावे लागते. प्रामुख्याने मुलींना अनेक अडचणी येत आहेत. शिक्षण विभागाने या प्रकाराची दखल तातडीने घेण्याची मागणी पालकवर्गाकडून केली जात आहे.
---------------
या आहेत अडचणी
जिल्ह्यातील जि.प. शाळांतील शौचालये किंवा प्रसाधनगृहांची अवस्था वाईट असल्याने पाचवी ते १२ वीपर्यंतच्या विद्यार्थ्यांना लघुशंकेसाठी बाहेर जावे लागतेच शिवाय पाचवी ते सहावी वर्गापर्यंतच्या विद्यार्थ्यांना उघड्यावर शौचास बसावे लागते. यामुळे स्वच्छता अभियानालाच तडे जात आहेत.
-----------
जिल्हा परिषदेच्या एकूण शाळा ७१५
---
मोडकळीस आलेली शौचालये
२२
-------------
दुरवस्था झालेली शौचालये
४२
------------
दुरुस्तीसाठी आवश्यक निधी
१००००००