-----------
पथदिव्यांअभावी ग्रामस्थांना अडचणी
वाशिम : निम्मा पावसाळा उलटला, तरी ग्रामीण भागांतील अनेक गावांत बंद असलेले पथदिवे सुरू करण्याबाबत ग्रामपंचायती उदासीन असून, पथदिवे बंद असल्याने ग्रामस्थांना रात्रीच्या वेळी अडचणींचा सामना करावा लागत आहे.
------------------
रोही करत आहेत पिके फस्त
वाशिम: खरीप हंगामातील पिके आता चांगलीच बहरली आहेत, परंतु आता वन्यप्राणी या पिकांवर ताव मारत आहेत. यात रोहिंचे कळप शेकडो एकर क्षेत्रातील शिवारात धुडगूस घालून सोयाबीन, मूग, उडदाची पिके फस्त करीत असल्याचे चित्र पाहायला मिळते.
------------------
‘रोहयो’च्या कामांची तयारी
वाशिम: जिल्ह्यात तीन लाखांहून अधिक जॉब कार्डधारक मजूर आहेत. या कामगारांसाठी रोहयोची कामे सुरू करण्याची तयारी रोहयो विभागाने केली आहे. यासाठी ग्रामपंचायतींच्या माध्यमातून कामाची मागणी नोंदविण्याचे आवाहन केले जात आहे.
---------
शेतकऱ्यांची वहिवाट बंद
वाशिम: मानोरा तालुक्यातील इंझोरी शिवारात पाणंद रस्त्यांच्या कामाला सहा महिन्यांपूर्वीच मंजुरी मिळाली, परंतु अपुऱ्या निधीमुळे या रस्त्यांची कामे सुरू होऊ शकली नाहीत. आता या रस्त्यांवर चिखल झाल्याने शेतकऱ्यांची वहिवाट बंद पडली आहे.
--------------
झुकलेल्या खांबामुळे अपघाताची शक्यता
वाशिम: मंगरुळपीर तालुक्यातील ग्रामीण भागांत शेतकऱ्यांना वीजजोडणीसाठी उभारलेले वीज खांब पाऊस आणि वादळी-वाऱ्यामुळे झुकले आहेत. एखादे वेळी खांब कोसळल्यास अपघाताची भीती असल्याने, हे खांब सरळ करण्याची मागणी होत आहे.
------------------
बीएसएनएलची कनेक्टिव्हिटी खंडित
वाशिम: गत काही दिवसांपासून भारत संचार निगम लिमिटेडच्या इंटरनेटची कनेक्टिव्हिटी वारंवार खंडित होत आहे. त्यामुळे आपले सरकार केंद्रांतील कामे खोळंबून ग्रामस्थ, शेतकरी, विद्यार्थ्यांना त्रास सहन करावा लागत आहे.