कारचा अपघात; एक जखमी

अभिजित दुराने (रा. नागपूर) हे (एमएच ४० केआर ००११) क्रमांकाच्या कारने लोणारवरून रिसोडकडे सकाळी ५ च्यादरम्यान येत होते. दरम्यान, लोणी बु. फाट्यानजीक वाहनावरील नियंत्रण सुटल्याने रस्त्याकडेला लिंबाच्या झाडावर जाऊन कार धडकली. यामध्ये काच फोडून अभिजित दुराने हे बाहेर पडल्याने त्यांना किरकोळ मार लागला. या अपघातात कारचेही किरकोळ नुकसान झाले. दरम्यान, लोणी बु. हे गाव राज्यमार्ग १८३ वर असल्याने आणि रस्ता चांगला असल्याने वाहनांची वर्दळ वाढली आहे. औरंगाबाद, पुणे, नाशिक जाणारी वाहने मोठयाप्रमाणावर या रस्त्याने जात असतात आणि लोणी फाट्यावर ९० अंशाचा काटकोनी रस्ता असल्याने या ठिकाणी अपघाताच्या घटना घडतात. अपघाताची संभाव्य घटना टाळण्यासाठी लोणी फाट्यावर गतिरोधक बसवण्याची मागणी नागरिकांमधून होत आहे.