लोकमत न्यूज नेटवर्कवाशिम : पुनर्वसित गावांच्या विकासाकरिता जलसंपदा विभागाने पुढाकार घेतला असून, शासनाकडून प्राप्त २.२५ कोटी रुपयांच्या निधीतून ४६६ कुटुंबीयांना विविध सुविधा पुरविल्या जात आहेत. प्राप्त निधीतून गावठाण अंतर्गत विद्युतीकरण, विहिरीचे बांधकाम व इतरही अनेक कामांना प्रारंभ करण्यात आला आहे. रिसोड तालुक्यातील पळसखेड सिंचन प्रकल्पामुळे पळसखेड हे गाव अंशत: बुडित क्षेत्राखाली गेले असून, या गावातील ४९ कुटुंब बाधित झाली. तसेच बिबखेड हे गाव पूर्णत: बुडित क्षेत्राखाली असून, गावातील २४८ कुटुंब बाधित झाली आहेत. दोन्ही गावांमध्ये वाढीव खर्चाच्या कामांसाठी १.१४ कोटी रुपये मिळाले आहेत. त्यातून पळसखेड, बिबखेड येथे सुविधा पुरविल्या जात असल्याचे सूत्रांनी सांगितले.
{{#config.logo.enabled}}
{{/allowed}}