----------------
गणेश मंडळांची नोंद
२०२०- २२५
२०२१ -२५२
--------------
१०८० पोलिसांचा बंदोबस्त
यंदाच्या गणेशोत्सवादरम्यान कोरोना पार्श्वभूमीवर नियमांचे उल्लंघन होऊ नये, अनुचित प्रकार घडू नये, यासाठी पोलीस अधीक्षक वसंत परदेशी यांच्या मार्गदर्शनात ८० पोलीस अधिकारी, १००० कर्मचाऱ्यांचा बंदोबस्त ठेवण्यात आला आहे. त्याशिवाय राज्य राखीव पोलीस दलाच्या दोन कंपनी आणि ४२५ होमगार्डही त्यांच्या दिमतीला असतील
---------
अनेक गावांत स्थापनाच नाही
कोरोना संसर्ग पार्श्वभूमीवर सार्वजनिक मंडळांची संख्या कमी करण्यासाठी वाशिम, मंगरुळपीर उपविभागात उपविभागीय पोलीस अधिकारी यशवंत केडगे यांच्या, तर कारंजा उपविभागात प्रभारी उपविभागीय पोलीस अधिकारी यशवंत केडगे यांच्या मार्गदर्शनात पोलिसांनी व्यापक जनजागृती केली. त्याचे सकारात्मक परिणाम दिसून आले. आसेगाव पोलीस स्टेशन अंतर्गत एकही मंडळ सार्वजनिक उत्सव साजरा करणार नसून, जऊळका रेल्वे पोलीस स्टेशन अंतर्गतही २१ मंडळांनी गणेश स्थापना करणार नसल्याचे सांगितले, शिवाय काही गावांत एक गाव, एक गणपती ही संकल्पना राबविली जाणार आहे.
------
स्वराज्य संस्थांकडे विसर्जन व्यवस्था
यंदा कोरोना विषाणू संसर्ग पार्श्वभूमीवर गणेश विसर्जन मिरवणुकीवर बंदी आहे. मंडळाच्या मूर्ती विसर्जनासाठी शहरात नगर परिषद, नगर पंचायतीने विसर्जन स्थळ तयार केले आहेत, तर ग्रामीण भागांत ग्रामपंचायती गावातील गणेश मूर्ती विसर्जन करतील
----------
साध्या पद्धतीने उत्सव साजरा करावा !
साध्या पद्धतीने गणेशोत्सव साजरा करावा. मंडप डेकोरेशन व इतर बाबी टाळून सामाजिक कार्यासाठी खर्च करावा. एक गाव एक गणपती पद्धतीचा अवलंब करावा. आगमन आणि विसर्जन कार्यक्रमातही गर्दी टाळून कमीत कमी लोकांनी सहभागी व्हावे.
-शण्मुगराजन एस,
-जिल्हाधिकारी, वाशिम