रोहित्र दुरुस्त करण्याची मागणी
वाशिम : शिरपूर, मेडशी, जऊळका रेल्वे परिसरातील काही विद्युत रोहित्र नादुरुस्त असल्याने गावकऱ्यांची गैरसोय होत आहे. आता पावसाळ्याचे दिवस सुरू झाल्याने वीजपुरवठा सलग राहणे आवश्यक आहे.
अतिक्रमणाचे प्रस्ताव नियमानुकूल करा !
वाशिम : जिल्ह्यातील अनसिंगसह इतर भागातील निवासी अतिक्रमणाचे प्रस्ताव नियमानुकूल नसल्याने अडचणी उद्भवल्याचे आहेत. हे प्रस्ताव नियमानुकूल करावे, अशी मागणी मानवी हक्क सुरक्षा दलाच्या पदाधिकाऱ्यांनी केली.
छोट्या मालवाहू वाहनांतून जडवाहतूक
वाशिम : छोट्या मालवाहू वाहनांवर क्षमतेपेक्षा अधिक प्रमाणात लोखंडी गज बांधून वाहतूक केली जात आहे. याकडे संबंधित यंत्रणेने लक्ष पुरवावे, अशी मागणी राजू भाेयर यांनी केली आहे.
उड्डाणपुलाचे काम संथ गतीने
वाशिम : वाशिम-पुसद रोडवर उड्डाणपुलाचे काम सुरू होऊन तीन वर्षांपेक्षा अधिक कालावधी झाला. असे असताना संथ गतीमुळे काम अद्याप पूर्ण झालेले नाही. परिणामी, वाहतूक वारंवार विस्कळीत होत आहे.