^^^^^^^^^^
वन्यप्राण्यांमुळे पिकांचे नुकसान
वाशिम : कामरगाव परिसरात सध्या पिके डोलदार असून, हरिण, माकड आदी वन्यप्राणी पिकांत धुमाकूळ घालत असल्याने पिकांचे नुकसान होत असल्याचे सोमवारी दिसून आले. वन्यप्राण्यांचा बंदोबस्त करण्याची मागणी शेतकऱ्यांनी वन विभागाकडे केली.
--------------
तणनाशक फवारणीत शेतकरी व्यस्त
वाशिम : सध्या खरीप पिकाची पेरणी ५० टक्क्यांवर उरकली असून, पिकात वाढणाऱ्या तणाचा बंदोबस्त करण्यासाठी विविध प्रकारच्या तणनाशकांची फवारणी करण्यात शेतकरी व्यस्त असल्याचे ३ ते ४ जुलै दरम्यान दिसून आले.
------
धरणावर वाढली झुडपे
वाशिम : मानोरा तालुक्यातील धानोरा भुसे येथील धरणाच्या भिंतीवर मोठमोठी वृक्ष वाढली असून, मूळ खोलवर जाऊन धरणाच्या भिंतीला धोका उद्भवण्याची भीती आहे.
-------------
ग्रामस्थांना मार्गदर्शन
वाशिम : कारंजा तालुक्यातील उंबर्डा येथे रस्त्यावर कचरा टाकण्यात येत असल्याने गावात घाण वाढत आहे. या पृष्ठभूमीवर सरपंचांच्या मार्गदर्शनात ग्राम सचिवांनी गावकऱ्यांना गुरुवारी स्वच्छता राखण्याबाबत मार्गदर्शन केले.
----