मोखाडा पंचायत समितीवर शिवसेनेचा पुन्हा भगवा

जिल्हा परिषद आणि पंचायत समितीसाठी झालेल्या निवडणुकीत पंचायत समितीच्या ६ जागांपैकी ५ जागा जिंकत शिवसेनेने पंचायत समितीवर पुन्हा एकदा भगवा फडकवला आहे

रवींद्र साळवे मोखाडा : जिल्हा परिषद आणि पंचायत समितीसाठी झालेल्या निवडणुकीत पंचायत समितीच्या ६ जागांपैकी ५ जागा जिंकत शिवसेनेने पंचायत समितीवर पुन्हा एकदा भगवा फडकवला आहे तर आसे जि.प.गट राष्ट्रवादी आणि पोशेरा आणि खोडाळा गटात भाजप विजयी झाले आहे.पंचायत समिती निवडणुकीत भाजपचा धुव्वा उडाला असला तरी तीनपैकी दोन जि.प. जिंकून भाजपने आपले वर्चस्व सिद्ध केले आहे. मोखाड्यात जिल्हा परिषदेच्या तीन तर पंचायत समितीच्या सहा जागांसाठी निवडणुका झाल्या. या वेळी जिल्हा परिषदेच्या दोन जागा बिनविरोध झाल्या होत्या. त्यात एक जागा भाजपला तर एक जागा राष्ट्रवादीच्या ताब्यात गेली होती. उर्वरित जि.प.च्या एका जागेसाठी झालेल्या निवडणुकीत भाजपच्या उमेदवार कुसुम झोले यांनी शिवसेनेच्या उमेदवारावर फक्त १४३ मतांनी विजय मिळवला. आजवर पंचायत समितीवर वर्चस्व असलेल्या शिवसेनेने पुन्हा आपला ताबा पक्का केला आहे. मात्र जि.प.मध्ये शिवसेनेला विजय मिळवता आलेला नाही.>पंचायत समितीप्रदीप वाघ शिवसेनाआशा झुगरे शिवसेनासारिका निकम शिवसेनाभास्कर थेतले शिवसेनायुवराज गिरंधले शिवसेनालक्ष्मीबाई भुसारा राष्ट्रवादी>विजयी उमेदवार जि.प. हबीब शेख राष्ट्रवादीराखी चोथे भाजपकुसुम झोल भाजप