हेमांगीच्या पती-सासूला अटक, नणंद फरारी

या तालुक्यातील कुंर्झे येथील हेमांगी पंडित सांबरे हीने आत्महत्या केली नसून तिचा सरबतातून विष देऊन खून करण्यात आला आहे.

विक्रमगड : या तालुक्यातील कुंर्झे येथील हेमांगी पंडित सांबरे हीने आत्महत्या केली नसून तिचा सरबतातून विष देऊन खून करण्यात आला आहे. असे वृत्त लोकमतमध्ये येताच पोलिसांनी तिच्या पतीला व सासूला अटक केली आहे. पतीला आधारवाडीला तर सासूला भायखळा कारागृहात रवाना करण्यात आले आहे. सरबतामधून विष देऊन तिचा खून केला गेला आहे असा आरोप तिच्या माहेरच्या मंडळींनी करून पोलिसांत तक्रारही केली होती. परंतु तिची दखल घेतली गेली नव्हती. याबाबतचे वृत्त लोकमतने प्रसिद्ध करताच महिला आयोगानेही तातडीने त्याची दखल घेतली व पोलिसांनी गुन्हा दाखल करुन आरोपींना अटक केली़ दरम्यान याप्रकरणाची विक्रमगडचे पोलिस निरिक्षक विजय शिंदे सखोल चौकशी करीत असून तिसरा आरोपी असलेल्या तिच्या नणंदेचा शोध पोलीस घेत आहेत. याची सीआयडी मार्फत चौकशी करावी अशी मागणी तिच्या नातेवाईकांनी केली आहे़ (वार्ताहर)