वसई : येथील माणिकपूर पोलीस ठाणे हद्दीतील स्टेला भाबोळा भागात राहणाऱ्या एका १४ वर्षीय मुलीचे अपहरण झाल्याची घटना उघडकीस आली आहे, आईस्क्रीम आणायला इमारतीच्या खाली जाते असे घरच्यांना सांगून फिर्यादीची ही मुलगी बराच वेळ झाला तरी घरी परतली नाही.दरम्यान मुलगी परत न आल्याने घरातील कुटुंबियांनी शेजारी, सर्व मित्र परिवाराने स्टेला, कौल हेरिटेज सिटी, अग्रवाल टाउनशीप, तसेच सुयोग नगर आदी ठिकाणी तिचा शोध घेतला मात्र रात्री उशिरापर्यंत ती कुठे ही आढळून आली नाही.परिणामी कंटाळून घरच्यांनी आमच्या मुलीला कोणी तरी अज्ञात इसमाने फूस लावून पळविले असल्याची तक्रार माणिकपूर पोलिसांत दिल्यावर पोलिसांनी अज्ञाताविरुद्ध अपहरणाचा गुन्हा दाखल केला आहे, अधिक तपास पोलीस करीत असून वारंवार घडणाºया वसईतील अशा बेपत्ता व अपहरणाच्या घटनांचा आकडा वाढतच असल्याने पालकवर्गात भीती व चिंतेचे वातावरण आहे.
माणिकपुरातून मुलीचे अपहरण, गुन्हा दाखल
By लोकमत न्यूज नेटवर्क | Updated: July 2, 2018 03:26 IST