आठ जण जखमी : ट्रक, मिनीडोअर व दुचाकी अपघातलोकमत न्यूज नेटवर्कदेवळी : स्थानिक वर्धा मार्गावरील औद्योगिक वसाहतीच्या टी पॉर्इंटवर मालवाहू ट्रक, मिनीडोर व दुचाकीत झालेल्या अपघातात दुचाकीचालक ठार झाला व आठ जण गंभीर जखमी झाले. जखमींना सावंगी रुग्णालयात दाखल केले आहे. ही घटना रविवारी रात्री घडली. या तिहेरी अपघातात उमेश किसन शेंडे (२९), रा. पळसगाव ता. देवळी हा जागीच ठार झाला. पोलीस सुत्रानुसार, एमपी ०९ एचएच २८०७ हा मालवाहू ट्रक वर्धेच्या दिशेने जात असताना त्याने विरूद्ध दिशेने येणाऱ्या मिनीडोअरला जबर धडक दिली. तसेच मिनीडोअरच्या मागे असलेल्या दुचाकीला चिरडत नेले. यामध्ये दुचाकीचालक उमेश शेंडे हा दुचाकी सह ट्रकखाली आल्याने जागीच ठार झाला. तसेच अपघातग्रस्त मिनीडोर एमएच ३२ क्यू ६३२६ मधील अशोक उरकुडा बावणे, संतोष अशोक बावणे, सुरेश बावणे, गुणवंत मेश्राम तिघेही रा. कळंब, संदीप किसना खडसे रा. तळेगाव (टालाटुले), राजू बबन खंडारे रा. दरोडा व श्यामराव फसाने रा. पांढरकवडा हे जखमी झाले. ही सर्व मंडळी आंजी अंदोरी येथे लग्नाकरिता जात होती. तसेच मृतक शेंडे हा वर्धा येथील मेट्रो कंपनीतील पाळी पूर्ण करून देवळीकडे येत होता.मालवाहू ट्रक चालकवर देवळी पोलिसांनी भादंवि २७९, ३३७, ३३८, ३०४ अ, १८४ मोवाका अन्वये गुन्हा दाखल करून अटक करण्यात आली. घटनेचा तपास पोलीस जमादार परताके व सतीश वलके करीत आहेत.
तिहेरी अपघातात दुचाकीस्वार ठार
By admin | Updated: May 16, 2017 01:10 IST