लोकमत न्यूज नेटवर्कतळेगाव (श्या.पंत.) : कार आणि दुचाकीच्या अपघातात दोघे गंभीर जखमी झाले. हा अपघात तळेगाव-अमरावती महामार्गावरील अप्पर वर्धा कॉलनी समोर रविवारी दुपारी २ वाजतादरम्यान झाला.तळेगाव येथील जुन्या वस्तीत राहणारे रणजीत वसु (५५) व राजू मांडेकर (५२) हे दोघेहीे एम.एच. ३५ सी. २८४८ क्रमांच्या दुचाकीने तळेगावकडून अमरावती मार्गालगतच्या अप्पर वर्धा कॉलनीकडे जात होते. रस्ता ओलांडत असताना नागपूरकडून अमरावतीकडे जाणाऱ्या एम.एच.२७ बी.व्ही. १५१८ क्रमांकाच्या दुचाकीने जबर धडक दिली. या धडकेत दुचाकीवरील दोघेही गंभीर जखमी झाले. या अपघातात दुचाकीसह कारचेही मोठे नुकसान झाले. घटनेची माहिती मिळाल्यावर तळेगांव पोलीस घटनास्थळी पोहोचले. जखमींना अमरावतीला हलविण्यात आले आहे.दुचाकीची कारला धडकवर्धा : भरधाव दुचाकीने समोरून येणाऱ्या कारला धडक दिली. यात कारचे मोठे नुकसान झाले. हा अपघात लोक विद्यालय शाळेसमोर झाला. अनुप खडसे रा. झाडे लेआऊट हे एम.एच.१५ क्यू.एस. २६७७ क्रमांकाच्या कारने बॅचलर रस्त्याने जात असताना एम.एच.३२ एन. ५२२१ क्रमांकाच्या दुचाकीचालकाने कारला धडक दिली. यात कारचालकाचे मोठे नुकसान झाले. याप्रकरणी रामनगर ठाण्यात तक्रार दाखल केली.
कार-दुचाकी अपघातात दोघे गंभीर जखमी
By लोकमत न्यूज नेटवर्क | Updated: March 2, 2020 06:00 IST