समुद्रपूर तालुक्यात दोन अपघात : सेलू येथे रस्त्यावरील खांबावर दुचाकी आदळली लोकमत न्यूज नेटवर्क वर्धा : जिल्ह्यात शुक्रवार अपघातवार ठरला. शुक्रवारी झालेल्या तील अपघातात एक ठार झाला तर तिघे गंभीर जखमी झाले. यातील दोन अपघात समुद्रपूर तालुक्यातील आहेत. तर अन्य एक अपघात सेलू तालुक्यातील आहे. तिनही घटनेत पोलिसात गुन्हा दाखल करण्यात आला आहे. समुद्रपूर तालुक्यातील कानकाटी येथे रस्त्याच्या कडेला असलेल्या झाडांना पाणी देण्याकरिता उभ्या असलेल्या टँकरला भरधाव ट्रकने धडक दिली. ही घटना शुक्रवारी दुपारी घडली. मुकेशकुमार मिठेलाल (२८) असे मृतकाचे नाव असल्याची माहिती पोलिसांनी दिली. पोलीस सुत्रानुसार, मुकेशकुमार मिठेलाल (२८) याने झाडांना पाणी देण्याकरिता एमएच ३१ एपी २१३१ क्रमांकाचा टँकर रस्त्याच्या कडेला उभा केला. येथे झाडाला पाणी देण्याचे काम सुरू असताना नागपूरकडून जाम येथे जाणाऱ्या एचआर ३८ व्ही ८५३१ क्रमांकाच्या ट्रकने उभ्या टँकरला धडक दिली. यात गंभीर जखमी झालेल्या मुकेशकुमार मिठेलाल याला समुद्रपूर येथील ग्रामीण रुग्णालयात दाखल केले असता तपासणी अंती वैद्यकीय अधिकाऱ्यांनी त्याला मृत घोषित केले.
तीन अपघातात एक ठार; तीन गंभीर
By admin | Updated: May 20, 2017 02:10 IST