वर्धा : विदर्भाच्या दौऱ्यादरम्यान राष्ट्रवादी काँग्रेसचे नेत्या खा. सुप्रिया सुळे यांनी आज सकाळी पवनार आश्रमला सदिच्छा भेट देत गौतम बजाज यांच्याशी सविस्तर चर्चा केली. त्यांचे समवेत राष्ट्रवादी महिला काँग्रेसच्या प्रदेशाध्यक्ष रोहिणी खडसे, माजी मंत्री अनिल देशमुख उपस्थित होते.
सकाळी आश्रमला भेट देत त्यांनी जवळपास एक तास घालविला. गौतम बजाज यांनी सुप्रिया सुळे यांना इंदिराजींच्या काळापासूनची माहिती दिली. सुप्रिया सुळे या जेव्हाही जिल्ह्यात येतात तेव्हा त्या आश्रमला निश्चित भेट देतात. राजकीय विषयापेक्षा कौटुंबिक विषयाला जास्त महत्व देत आश्रम हे प्रेरणास्थान असल्याचे सुप्रिया सुळे यावेळी म्हणाल्या. त्यांचे समवेत समीर देशमुख, किशोर माथनकर, सुनील राऊत, अतुल वंदिले, नितीन देशमुख, संदीप भांडवलकर, प्रशांत भोयर,सूरज वैद्य आदींसह नेतेमंडळी उपस्थित होते.