वर्षा गायकवाडFOLLOW

Maharashtra Assembly Vidhan Sabha Election 2024 Result: विधानसभा निवडणुकीचा निकाल लागून अनेक दिवस उलटून गेले असले तरी अद्याप महायुतीने सरकार स्थापनेचा दावा केलेला नाही. एकनाथ शिंदे यांनी मुख्यमंत्रीपदावरील दावा सोडल्याने आता भाजपाचा मुख्यमंत्री होण्याचा मार्ग मोकळा झाला आहे. परंतु, भाजपाकडून अद्याप याबाबत कोणत्याही निर्णय झालेला नाही. भाजपा धक्कातंत्राचा वापर करणार की, देवेंद्र फडणवीसांच्या गळ्यात पुन्हा एकदा मुख्यमंत्रीपदाची माळ पडणार, याकडे राज्याचे लक्ष लागले आहे. यातच दिल्लीत भाजपाच्या पक्षश्रेष्ठींसोबत एकनाथ शिंदे, अजित पवार यांची महत्त्वाची बैठक होत आहे. या बैठकीला देवेंद्र फडणवीस हेही उपस्थित असणार आहेत. यावरून आता काँग्रेसकडून टीका करण्यात येत आहे. याच गोष्टीचे आश्चर्य वाटते की, पूर्वी महाराष्ट्रात मुख्यमंत्रीपदाबाबत निर्णय व्हायचे. पण आता नवीन परंपरा सुरू झालेली आहे. दिल्लीत निर्णय होतात. दिल्लीतील दोन नेते सांगतात, ते मान्य असेल, ही भूमिका राज्याचे माजी मुख्यमंत्री सांगत आहेत. मी हताश नाही, निराश नाही, असे बोलत असले, तरी चेहरा मात्र काहीतरी वेगळेच सांगत आहे. २३ नोव्हेंबरला निकाल लागल्यानंतर अजूनही सरकार स्थापन झालेले नाही, हे पहिल्यांदाच आम्ही पाहतोय. सरकार कधी स्थापन होणार, याकडे १३ कोटी जनतेचे लक्ष लागले आहे. स्पष्ट बहुमत मिळूनही सत्ता स्थापन करण्यासाठी वेळ लागत असेल, तर ही हताश करणारी गोष्ट आहे, अशी टीका काँग्रेस खासदार वर्षा गायकवाड यांनी केली. अजितदादांनी वेगळा अनुभव घ्यावाअजित पवार अनेक वर्षे उपमुख्यमंत्रीपद आणि अर्थमंत्रीपद सांभाळत आहेत. अजित पवार सातत्याने याच पदांवर राहिलेले आहेत. आताही अजित पवार यांनी आपण उपमुख्यमंत्रीच होणार, हे स्वीकारल्याचे दिसत आहे. त्यामुळे अजित पवार यांनी वेगळा अनुभव कधीतरी अनुभवावा. अजित पवार यांना शुभेच्छा आहेत, असा खोचक टोला वर्षा गायकवाड यांनी लगावला. उद्धव ठाकरे महाविकास आघाडीतून बाहेर पडून महापालिका निवडणुका स्वतंत्रपणे लढणार असल्याची चर्चा सुरू आहे. यावर बोलताना, परिस्थितीनुसार निर्णय घेतला जाईल. सध्यातरी आम्ही एकत्र आहोत. वैयक्तिक कोणाची मते काय आहेत, यापेक्षा पक्षाचे मत काय आहे, ते महत्त्वाचे ठरते. शिवसेना ठाकरे गट सोबत असावा, आमची काही हरकत नाही. संघटना म्हणून आम्ही एकत्र काम केले आहे. येणारा काळ ठरवेल. काळ ठरवेल, तो निर्णय मान्य, असे गायकवाड यांनी सांगितले.दरम्यान, ईव्हीएमबाबत लोकसभा आणि विधानसभेचे प्रश्न वेगळे आहेत. लोकसभा निवडणुकीवेळीही आम्ही प्रश्न मांडले होते. या विधानसभा निवडणुकीनंतर आम्ही आत्मचिंतन करत आहोत. मायक्रो मॅनेजमेंटवर येणाऱ्या काळात काम करणार आहोत. ईव्हीएम हा आजचा विषय नाही, तो सातत्याने आम्ही मांडत आहोत. आमच्या नेत्यांनी याबाबत जी भूमिका मांडली, त्याच्याशी सहमत आहोत, असे खासदार वर्षा गायकवाड यांनी सांगितले.

लाईव्ह न्यूज :

भारत-पाकिस्तान युद्धाचे ढग?

मोदी सरकारचा इरादा पक्का

पाकिस्तानचा कांगावा

IPL च्या 'रन'भूमीवरून

UPSC निकालात 'जय महाराष्ट्र'

CM देवेंद्र फडणवीस

एकनाथ शिंदे

शहरं

मनोरंजन

व्हिडीओ

वर्षा गायकवाडFOLLOW

Read more

संपादकीय : मुंबईत काँग्रेसचे पाच नगरसेवक तरी निवडून येतील का?

महाराष्ट्र : घरातील नेतेगिरी! खासदार वर्षा गायकवाड यांना वडिलांनी कुठला कानमंत्र दिला होता?

मुंबई : ‘सायन पुलाचे काम लवकर पूर्ण करा’

मुंबई : ‘मदर डेअरी’ची जागा देणार नाही, खा. वर्षा गायकवाड यांचे जोरदार ठिय्या आंदोलन

मुंबई : वर्षा गायकवाड यांच्याविरोधात दाखल केलेल्या निवडणूक याचिकेवरील निकाल काेर्टाकडून राखीव

मुंबई : काँग्रेस खासदार वर्षा गायकवाडांविरोधात हायकोर्टात याचिका; लोकसभा निवडणुकीत पैसे वाटल्याचा आरोप

मुंबई : Varsha Gaikwad : सरकारने जाहीर केलेली मदत तुटपुंजी, मृतांच्या वारसांना प्रत्येकी २५ लाखांची मदत द्यावी

राष्ट्रीय : “आधी CM राज्यात ठरायचा आता दिल्लीत निर्णय होतो, अजितदादांनी वेगळा अनुभव घ्यावा”: काँग्रेस

मुंबई : मविआला पहिला धक्का?; मुंबई महापालिका स्वबळावर लढण्याची उद्धवसेनेची इच्छा

मुंबई : Maharashtra Vidhan Sabha Election 2024 Results Highlights: उद्धवनी मुंबई राखली, मात्र काँग्रेसचा पीळ सुटत नाही; नेत्यांची खदखद बाहेर पडली