दुचाकीFOLLOW

लोकमत न्यूज नेटवर्कनागपूर : शहरात अनधिकृत सुरू असलेल्या ओलाच्या ‘वेबबेस्ड टू व्हीलर टॅक्सीज’वर प्रादेशिक परिवहन कार्यालय (आरटीओ) नागपूर शहरने पुन्हा बुधवारपासून कारवाईची मोहीम हाती घेतली. चार दुचाकी जप्तही केल्या. मात्र, ‘अॅप’वर ही सेवा सुरूच असल्याने आरटीओकडून कंपनीवर काय कारवाई केली जाते याकडे आता लक्ष लागले आहे.परिवहन विभागाने राज्यात कुठेही ‘वेबबेस्ड’ किंवा तत्सम प्रकार ‘ टू व्हीलर टॅक्सीज’ वरून प्रवासी वाहतूक करण्यासाठी कुणालाही परवानगी दिली नाही. मात्र, शहरात ‘ओला’ कंपनीने ‘टू व्हीलर टॅक्सीज’ सुरू केली आहे. पूर्वी या ‘टॅक्सीज’ नागपूर मध्यवर्ती रेल्वे स्थानक, बर्डी व बसस्थानकावर सुरू होती. काही दिवसात या व्यवसायाने गती पकडली. या विरोधात विदर्भ ऑटोरिक्षा चालक फेडरेशनचे अध्यक्ष विलास भालेकर शिष्टमंडळासह शहर आरटीओ कार्यालयात धडकले. प्रवासी वाहतूक करताना परमिटची गरज असताना व ‘टू व्हीलर टॅक्सीज’ बाबत परिवहन विभागाने राज्यात कुणालाही परवानगी दिली नसताना शहरात ही प्रणाली का सुरू आहे, असा प्रश्न केला. दोषीवर कारवाई करण्याची मागणी केली. याला गंभीरतेने घेत आरटीओ शहर कार्यालयाने वायुपथकाला कारवाईचे निर्देश दिले. त्यानुसार ‘रॅपिडो अॅप’च्या ‘एमएच३१ बीझेड ४१६२, एमएच३१ डीएच ४३६५, जेके १० यु ३४५०, एमएच ४९ वाय २०६८ व एमएच ३१ बीक्यू ३०८९ या दुचाकींवर अनधिकृत व्यवसाय करीत असल्याची कारवाई करीत वाहने जप्त केली. नंतर ‘अॅप’ बंद पडले. परंतु आता ‘ओला’ कंपनीने ‘टू व्हीलर टॅक्सीज’ सुरू केली. याची दखल घेत १९ जून रोजी आरटीओच्या वायुपथकाने ‘एमएच ३१ एफके ४७०२’, ‘एमएच ३१ एसी ३४७३’, ‘एमएच ४९ एबी ६६७५’ व ‘एमएच ३१ डीए ५८७५’ ही वाहने जप्त केली.शहरात सुमारे ५० वर दुचाकी ‘वेबबेस्ड टू व्हिलर टॅक्सीज’ म्हणून धावत आहेत. विशेषत: वर्दळीच्या ठिकाणी या दुचाकीचा फायदा होत असल्याने थोड्याच दिवसात मागणीत वाढ झाली आहे. बुधवारी कारवाई झाली तरी ओला कंपनीच्या अॅपवर ‘टू व्हिलर टॅक्सीज’ धडाक्यात सुरू आहे. वायुपथकातील मोटार वाहन निरीक्षकांनी या ‘अॅप’वरून दुचाकी बुक करून जप्तीची कारवाई केल्याचे समजते.वाहन नोंदणी रद्द करणारकोणत्याही ‘वेबबेस्ड’ किंवा तत्सम प्रकार ‘टू व्हिलर टॅक्सीज’वरून प्रवासी वाहतूक करण्यासाठी कुठेच परवानगी देण्यात आलेली नाही. या विषयी तक्रार येताच चार ‘टू व्हिलर टॅक्सीज’ जप्त करण्यात आल्या आहेत. पुढील तीन महिन्यांसाठी या वाहनांची नोंदणीही रद्द केली जाणार आहे. संबंधित कंपनीवर कारवाईसाठी वरिष्ठांशी चर्चा सुरू आहे.अतुल आदेउपप्रादेशिक परिवहन अधिकारी, आरटीओ (शहर)

लाईव्ह न्यूज :

नगरपरिषदांवर महायुतीचा झेंडा

आता 'मिशन महापालिका'

CM फडणवीसांची 'आकडेमोड'

ठाकरेंचं ठरलंय, मविआचं बिघडलंय

शिंदेंसेनेचं 'बार्गेनिंग'

PM नरेंद्र मोदी

लोकमत ई-पेपर

शहरं

मनोरंजन

व्हिडीओ

दुचाकीFOLLOW

दोन चाकांवर इंजिनद्वारे चालणाऱ्या गाडीला दुचाकी म्हणतात. भारतात या दुचाकीची विक्री मोठ्या प्रमाणावर होते.

Read more

छत्रपती संभाजीनगर : वाळूज महानगरातून एकाच रात्री ५ दुचाकी लंपास

क्राइम : दोनशे जणांच्या नावे वाहन कर्ज लुबाडणाऱ्या टोळीस अटक

क्राइम : मौजमजेसाठी मोटारसायकल चोरणारे पाच जण अटकेत

छत्रपती संभाजीनगर : आरटीओ कार्यालयात दुचाकी ‘पासिंग’साठी ३६० रुपयांचे ‘लक्ष्मी दर्शन’

पुणे : पुणेकरांच्या हॉर्नचा आव्वाज मोठ्ठाच.. औषधाला सुध्दा संयम नाही..!

पुणे : हॉर्नवर बोलू काही.....! विविध उपक्रमांतून होणार नो हॉर्नचा जागर

नाशिक : उड्डाणपुलावरून दुचाकी वाहनांची वाहतूक सुरूच

पुणे : स्मार्ट रस्त्यांवर स्मार्ट क्राॅसिंगचा अभाव

पुणे : पुणेकरांवर ‘रॉयल’ची मोहिनी

जालना : जालन्यात १ सप्टेंबरपासून हेल्मेट सक्ती