ट्वेंटी-20 वर्ल्ड कप २०२६FOLLOW

आगामी काळात फ्रँचायझी लीग या आंतरराष्ट्रीय क्रिकेटवर भारी पडणार, असा अंदाज अनेकांनी व्यक्त केला होता. फ्रँचायझी लीगमध्ये खेळण्यासाठी वेस्ट इंडिजचे अनेक खेळाडू जगभर फिरतात, परंतु त्यांना राष्ट्रीय कर्तव्यासाठी वेळ नसतो आणि आज त्यांच्या क्रिकेटची अवस्था कशी झालीय, हे आपण पाहतोच. त्यात आज इंग्लंडच्या ट्वेंटी-२० वर्ल्ड कप विजेत्या संघातील सदस्य ॲलेक्स हेल्सने वयाच्या ३४ व्या वर्षी आंतरराष्ट्रीय क्रिकेटमधून तत्काळ निवृत्तीची घोषणा केली आहे. त्याने गेल्या वर्षी नोव्हेंबरमध्ये MCG येथे पाकिस्तानवर पाच विकेटने विजय मिळवून इंग्लंडकडून शेवटचा सामना खेळला होता. हेल्स गेल्या नऊ महिन्यांपासून इंग्लंडच्या व्यवस्थापनाशी नियमित चर्चेत आहे आणि राष्ट्रीय वचनबद्धता व फ्रँचायझी करार यांच्यातील समतोल साधत आहे. जगभरातील फ्रँचायझी लीगसाठी त्याच्या सतत उपलब्धतेची पुष्टी करून त्याने आंतरराष्ट्रीय खेळातून बाहेर पडण्याचा पर्याय निवडला आहे. हेल्स म्हणाला, “तिनही फॉरमॅटमध्ये १५६ वेळा माझ्या देशाचे प्रतिनिधित्व करणे हा एक विशेष आहे. मी काही आठवणी आणि काही मैत्री आयुष्यभर टिकवल्या आहेत आणि मला वाटते की आता पुढे जाण्याची योग्य वेळ आहे. संपूर्ण प्रवासात इंग्लंडच्या शर्टमध्ये मी काही सर्वोच्च आणि काही सर्वात खालच्या स्तरांचा अनुभव घेतला आहे. हा एक अविश्वसनीय प्रवास आहे आणि मला खूप समाधान वाटते की इंग्लंडसाठी माझा शेवटचा सामना वर्ल्ड कप फायनल होता आणि जो आम्ही जिंकला होता."हेल्सने PSLमधील कराराची पूर्तता करण्यासाठी या वर्षाच्या सुरुवातीला बांगलादेशमधील इंग्लंडच्या ट्वेंटी-२० मालिकेतून माघार घेतली होती. त्यानंतर CPL फ्रँचायझीशी चर्चा करत असल्यामुळे त्याला न्यूझीलंडविरुद्धच्या इंग्लंडच्या घरच्या ट्वेंटी-२० मालिकेतून बाहेर पडावे लागले असते. त्याने ११ कसोटी सामन्यांत ५७३ धावा, ७० वन डे सामन्यांत २४१९ धावा आणि ७५ ट्वेंटी-२० सामन्यांत २०७४ धावा केल्या आहेत. त्याच्या नावावर ७ शतकं व ३१ अर्धशतकं आहेत. हेल्सने चार वर्षांपूर्वी इंग्लंडकडून शेवटचा वन डे सामना खेळला होता आणि भारतात होणाऱ्या वर्ल्ड कप स्पर्धेत त्याचा संघात समावेश होण्याची शक्यता कमीच आहे. पण, पुढच्या वर्षी कॅरेबियन व अमेरिका येथे होणाऱ्या ट्वेंटी-२० वर्ल्ड कप स्पर्धेसाठीच्या संघातील तो प्रबळ दावेदार होता. मात्र, त्याच्या निवृत्तीमुळे विल जॅक्स व फिल सॉल्ट या युवा खेळाडूंसाठी ट्वेंटी-२० संघातील संधी निर्माण झाली आहे.

लाईव्ह न्यूज :

दहावीचा निकाल जाहीर

निदा खान अखेर सापडली!

कोण होणार मुख्यमंत्री?

प. बंगालमध्ये हिंसाचार

PM नरेंद्र मोदी

युद्ध संपलं की...?

"नराधमाला फाशी द्या"

CM देवेंद्र फडणवीस

IPL 2026

लोकमत ई-पेपर

शहरं

मनोरंजन

व्हिडीओ

ट्वेंटी-20 वर्ल्ड कप २०२६FOLLOW

Read more

क्रिकेट : T20 World Cup, IND vs SA Live : एकच वादा, सूर्या दादा! Suryakumar Yadavची वादळी खेळी, टीम इंडियाची वाचवली इभ्रत

क्रिकेट : IND vs SA: भाईयो पाकिस्तान को हरवाना नही है, शोएब अख्तरने भारतीय संघाला घातली भावनिक साद

क्रिकेट : T20 World Cup, IND vs SA Live : Virat Kohli चा रेकॉर्ड! Lungi Ngidiने चार विकेट्स घेत निम्मा संघ ४९ धावांत माघारी पाठवला, Video

क्रिकेट : T20 World Cup, IND vs SA Live : Lungi Ngidi ने ५ चेंडूंत दोन्ही ओपनर्सना बाद केले, त्यानंतर विराट कोहलीलाही गंडवले, video

क्रिकेट : Babar Azam: ही वेळही निघून जाईल, खंबीर राहा, बाबर आझमच्या मदतीला अमित मिश्रा आला धावून

क्रिकेट : IND vs SA: पर्थच्या वेगवान खेळपट्टीवर भारताने एक अतिरिक्त फलंदाज खेळवावा - इरफान पठाण

क्रिकेट : T20 World Cup, IND vs SA Live : Come On India! पाकिस्तानी करतायेत चिअर; भारताने जिंकली नाणेफेक, संघात केला एक बदल

क्रिकेट : PAK vs NED: पाकिस्तानने नेदलॅंड्सचा केला दारूण पराभव; आता भारताच्या सामन्याकडे शेजाऱ्यांचे लक्ष!

फिल्मी : VIDEO : भज्जीच्या गोलंदाजीवर कतरिना कैफची बॅटिंग; हिल्स घालून खेळली क्रिकेट

क्रिकेट : T20 World Cup, PAK vs NED : हॅरीस रौफने नेदलँड्सच्या फलंदाजाचा डोळा जवळपास फोडलाच होता; बघा कसा काढला राग, Video