श्रीदेवीFOLLOW

बॉलिवूड दिग्दर्शक-निर्माता बोनी कपूर (Boney kapoor) यांनी 1983 मध्ये मोना शौरीसोबत (Mona Shourie) लग्नगाठ बांधली होती. लग्नानंतर दोनच वर्षांत बोनी व मोना यांचा पहिला मुलगा अर्जुनचा जन्म झाला आणि नंतर पाच वर्षांनी अंशुला जन्मली. पण अर्जुन कपूर (Arjun Kapoor) उणापुरा 11 वर्षांचा झाला असेल नसेल तेव्हा त्याच्या आईबाबाचा घटस्फोट झाला. मोना व बोनी यांचा संसार मोडला आणि त्याचवर्षी बोनी यांनी सुपरस्टार श्रीदेवींसोबत (Sridevi) लग्नगाठ बांधली. आज अर्जुनची आई या जगात नाही. परंतु आईच्या आठवणीशिवाय अर्जुनचा एक दिवसही जात नाही. अर्जुनने कधीच श्रीदेवींना आई म्हणून स्वीकारले नव्हते. पण श्रीदेवींच्या मृत्यूनंतर अर्जुन वडिलांच्या आणि जान्हवी व खुशी या सावत्र बहिणींच्या पाठीशी खंबीरपणे उभा झाला.आजपर्यंत कधीही अर्जुन कपूर वडिलांच्या दुस-या लग्नाबद्दल बोलला नव्हता. मात्र एका ताज्या मुलाखतीत तो पहिल्यांदा यावर बोलला. ‘फिल्म कम्पेनियन’ला दिलेल्या मुलाखतीत अर्जुनने त्याच्या व त्याच्या वडिलांच्या नात्याचे अनेक पैलू उघड केलेत.वडिलांनी जे केले ते ठीक होते, असे म्हणणार नाही़...प्रेम ही भावनाच मुळात कॉम्प्लिकेटेड आहे़ एखाद्या व्यक्तिवर प्रेम करत असतानाच तुम्ही दुस-या व्यक्तिच्याही प्रेमात पडू शकता. हे शक्य आहे. प्रेमात असताना लोक अनेक टप्प्यातून जातात. माझ्या वडिलांनी जे केले ते योग्य होते, असे मी म्हणणार नाही. माझ्यासाठी ते चुकीचंच होतं. कारण मी त्यांचा मुलगा होतो आणि त्या वयात त्यांच्या निर्णयाचा माझ्यावर खूप प्रभाव पडला होता. त्यामुळे ठीक आहे, असं होतं, असे मी म्हणू शकणार नाही. पण आज मोठा झाल्यावर त्या गोष्टी समजू शकतो, असे अर्जुन म्हणाला.मी वडिलांचा आदर करतो पण...माझ्या आईने दिलेले संस्कार नेहमी माझ्यासोबत असतील. काहीही होवो, कशीही परिस्थिती येवो पण नेहमी वडिलांसोबत राहा, असे मला आईने सांगितले होते. पापांनी जो काही निर्णय घेतला, तो प्रेमात घेतला, असे तिने मला सांगितले होते. मी आजही वडिलांचा आदर करतो. त्यांना दुस-यांदा प्रेम झाले, त्या प्रेमाचा मी आदर करतो. पण प्रेम मुळातच खूप जटील गोष्ट आहे. प्रेम एकदाच होतं, असं म्हणणं आज मूर्खपणा ठरेल, असेही तो म्हणाला.आईची एकच इच्छा होती...मी चांगला मुलगा बनावं, ही आईची एकच इच्छा होती. तिच्या या इच्छेनुरूप मी एक चांगला मुलगा बनण्याचा प्रयत्न करतो. कारण हीच एक गोष्ट तिला माझ्याकडून हवी होती, असेही अर्जुन या मुलाखतीत म्हणाला.

लाईव्ह न्यूज :

भारत.. ट्रम्प.. पाकिस्तान

PM नरेंद्र मोदी

'मतचोरी'वरून राजकीय मारामारी

CM देवेंद्र फडणवीस

पालिकांसाठी ठाकरेंचं ठरतंय!

लोकमत ई-पेपर

शहरं

मनोरंजन

व्हिडीओ

श्रीदेवीFOLLOW

Read more

फिल्मी : खुशी कपूरने आपल्या स्टाइलने वेधून घेतले सर्वांचं लक्ष, वारंवार पाहिले जातात तिचे फोटो

फिल्मी : बोनी कपूर यांनी 13 वर्षे निभावली होती पहिली पत्नी मोनाची साथ,नंतर पकडला होता श्रीदेवीचा हाथ

फिल्मी : कमीच लोकांना माहीत आहे अभिनेत्री श्रीदेवी आणि कमल हसन यांचं 'हे' नातं!

फिल्मी : B'Day: जेव्हा विनोद खन्ना यांनी मागितला होता श्रीदेवीला आधार, वाचा न ऐकलेले किस्से.....

फिल्मी : अजय देवगणबद्दल अमिताभ बच्चन यांनी केलेली भविष्यवाणी ठरली खरी, जाणून घ्या याबद्दल

फिल्मी : श्रीदेवींच्या प्रतीक्षेत महिनाभर राजस्थानात खोळंबली होती ‘लम्हें’ची टीम, पण का?

फिल्मी : श्रीदेवी ते काजोल... या स्टार्सची खरी नावे तुम्हाला माहित आहेत का?

फिल्मी : 'मिस्टर इंडिया' सिनमातली चिमुरडी आता आहे दोन मुलांची आई, अभिनय सोडून जाहिरात कंपनीत करते काम