शिवसेनाFOLLOW

गडहिंग्लज : खंडणी उकळण्यासाठी जीवे मारण्याची धमकी दिल्याची तक्रार उद्धवसेनेचे गडहिंग्लज शहरप्रमुख संतोष चिकोडे यांनी गडहिंग्लज पोलिसात दिली आहे. या प्रकरणातील मध्यस्ताला संतप्त कार्यकर्त्यांनी चोप देऊन पोलिसांच्या हवाली केले. दरम्यान, यामध्ये एका पोलिस कर्मचाऱ्याही सहभाग असल्याची माहिती चिकोडे यांनी पत्रकारांना दिली. या प्रकारामुळे गडहिंग्लजसह जिल्ह्यात खळबळ उडाली आहे.अधिक माहिती अशी, पंधरा दिवसांपूर्वी पुणे, आकुर्डी आणि पन्हाळा तालुक्यातील उंडरी येथील रहिवासी असलेल्या महिलेसह चौघांनी चार चाकी वाहनातून (एमएच १२ - व्हीव्ही ३८१६) सुमारे ५० लाख रुपये शेअर बाजारात गुंतवणूक करण्यासाठी गडहिंग्लजला रोखीने आणले होते. रात्री गुंतवणूकदारांची वाट पाहत ते आजरा रोडवरील एका वसाहतीमध्ये थांबले होते.पोलिस उपअधीक्षक रामदास इंगवले यांना खबऱ्यांकडून मिळालेल्या माहितीनुसार, सापळा रचून संबंधित वाहनासह ही रोकड ताब्यात घेतली. तत्कालीन पोलिस निरीक्षक गजानन सरगर यांनी यासंदर्भातील अहवाल आयकर विभागाला पाठविला आहे. रोकड जप्तीची कारवाई करताना साक्षीदार म्हणून शहरप्रमुख चिकोडे हे उपस्थित होते.घटनेच्या दुसऱ्या दिवशी ‘त्या’ स्थानिक मध्यस्थाने उद्धवसेनेचे उपशहरप्रमुख संदीप कुराडे यांच्याशी भ्रमणध्वनीवरून संपर्क साधला. ‘५० लाखांच्या प्रकरणात चिकोडे यांच्या खुनाची सुपारी कर्नाटकातील गुंडांना देण्यात आली आहे. त्यांचे काय असेल ते पैसे देऊन मिटवा,’ असे त्याने कुराडेंना सांगितले. त्यानुसार चिकोडे यांनी प्रकाराची माहिती घेतली.सोमवारी (१४) ‘त्या’ मध्यस्ताला चिकोडे यांनी बोलावून घेतले होते. चौकशीत त्याने उडवाउडवीची उत्तरे दिल्यामुळे संतप्त कार्यकर्त्यांनी त्याला चोप दिला. दरम्यान, त्याने एका पोलिसाच्या सांगण्यावरून आपण हे केल्याचे सांगितले. त्यानंतर ‘त्या’ मध्यस्थाला पोलिसांच्या हवाली करून संबंधितांवर कारवाईची मागणी करण्यात आली. यावेळी पोलिस ठाण्याच्या परिसरात मोठी गर्दी झाली होती.जिल्हा पोलिस प्रमुखांकडे दाद जाणार‘त्या’ मध्यस्थाला पोलिसांच्या ताब्यात दिले आहे. त्याच्यासह दोघांविरुद्ध आपण गडहिंग्लज पोलिसांत तक्रार दिली आहे. दोन दिवसांत त्यांच्यावर कारवाई न झाल्यास आपण जिल्हा पोलिसप्रमुखांकडे दाद मागणार आहोत, असेही चिकोडे यांनी यावेळी सांगितले.५० लाखांचे प्रकरण साक्षीदाराच्या जिवावरपंधरा दिवसांपूर्वी पोलिसांनी ५० लाखांची रोकड जप्त केली. त्यावेळी चिकोडे हे साक्षीदार म्हणून उपस्थित होते. सरकारी कामात मदतीला गेल्यामुळेच त्यांच्या जिवावर हे प्रकरण बेतल्याची चर्चा आहे.

लाईव्ह न्यूज :

दहावीचा निकाल जाहीर

निदा खान अखेर सापडली!

कोण होणार मुख्यमंत्री?

प. बंगालमध्ये हिंसाचार

PM नरेंद्र मोदी

युद्ध संपलं की...?

"नराधमाला फाशी द्या"

CM देवेंद्र फडणवीस

IPL 2026

लोकमत ई-पेपर

शहरं

मनोरंजन

व्हिडीओ

शिवसेनाFOLLOW

Read more

मुंबई : “मुलाला मुख्यमंत्री करण्यासाठी उद्धव ठाकरेंना घरात कोंडून ठेवले, आईने केलेले हे प्लॅनिंग”

छत्रपती संभाजीनगर : ती डुप्लिकेट अन् चोरलेली शिवसेना; ही लढाई गद्दार विरुद्ध...; चंद्रकांत खेरै यांचा घणाघात

महाराष्ट्र : “उद्धव ठाकरेही पंतप्रधानपदासाठी इच्छुक, आमचे बोलणे काँग्रेसवाल्यांना कळत नाही”: संजय राऊत

मुंबई : मिलिंद नार्वेकर शिंदे गटाकडून लोकसभा लढवणार? उद्धव ठाकरेंची पहिली प्रतिक्रिया, म्हणाले...

छत्रपती संभाजीनगर : छत्रपती संभाजीनगरमध्ये महायुतीच्या अडचणी वाढल्या; विनोद पाटील निवडणूक लढवण्यावर ठाम

महाराष्ट्र : “आम्ही ‘सत्यमेव जयते’साठी लढतोय, भाजपाला फक्त सत्ता मिळवाची आहे”; आदित्य ठाकरेंची टीका

मुंबई : मिलिंद नार्वेकर ठाकरे गट सोडणार? शिंदे गटातील नेत्याने दिली महत्वाची अपडेट

राष्ट्रीय : ठाकरेंचे मेहुणे श्रीधर पाटणकरांचा पाय खोलात जाणार?; चतुर्वेदींच्या २०० एकर जमिनीवर ईडीकडून टाच

मुंबई : 'मोदी-शाहांवर कारवाई का नाही', उद्धव ठाकरेंनी निवडणूक आयोगाची नोटीस धुडकावली