रुपाली चाकणकरFOLLOW

पुणे : वैष्णवी हगवणे मृत्यू प्रकरणात हगवणे यांची मोठी सून मयुरी जगताप हिने हगवणे कुटुंबियांवर आरोप केले आहेत. वैष्णवीप्रमाणे हगवणे कुटुंबातील सासरे, नणंद, सासू, दीर यांनी माझ्यावर सुद्धा अत्याचार केले. त्यांनी मारहाणही केली असल्याचे मयुरी यांनी सांगितले आहे. या प्रकरणात मयुरीने महिला आयोगाकडे तक्रार केल्याचे सांगितले होते. मयुरीच्या आई आणि भावाने हा तक्रार अर्ज महिला आयोगाच्या अध्यक्षा रुपाली चाकणकर यांच्या नावाने आयोगाकडे दिला होता. अर्जाची चाकणकर यांनी दखल न घेतल्याचे मयुरी यांनी माध्यमांशी बोलताना सांगितले. त्यानंतर चाकणकर यांनी आयोगाने तक्रार प्राप्त झाल्यानंतर त्वरित दखल घेऊन पौंड पोलीसांना तात्काळ कार्यवाही करण्याचे निर्देश दिले असल्याचे चाकणकर यांनी सांगितले होते. आता त्यांनी या प्रकरणाबाबत पोलिसांकडून दोषारोपपत्र दाखल करण्यास झालेल्या विलंबाची चौकशी व्हावी अशी विनंती आयोगाच्या अध्यक्षा रुपाली चाकणकर यांनी मुख्यमंत्री देवेंद्र फडणवीस यांना पत्राद्वारे केली आहे. आयोगाने तक्रार प्राप्त झाल्यानंतर त्वरित दखल घेऊन त्यांनी पौड पोलीसांना तात्काळ कार्यवाही करण्याचे निर्देश दिले होते. आयोगाच्या सूचनेनुसार पौड पोलीसांनी गुन्हा दाखल केला होता. त्यानंतर या प्रकरणी पोलिसांकडून झालेल्या दिरंगाईबाबत आयोगाने अहवाल मागविला होता. आज दि.२८.०५.२०२५ रोजी पोलीस अधिक्षक, पुणे ग्रामीण यांच्याकडून अहवाल प्राप्त झाला. अहवालात नमूद तपासाचा आढावा घेतल्यावर पोलिसांनी गुन्ह्याचे दोषारोपपत्र विहीत मुदतीत मा. न्यायालयात सादर करण्यात आले नसल्याची गंभीर बाब निदर्शनास आली आहे. दोषारोपपत्र दाखल करण्यास झालेल्या विलंबाची गृह विभागामार्फत चौकशी करण्यात यावी, अशी विनंती आयोगाने मुख्यमंत्र्यांना केली आहे. पत्रात नेमकं काय नमूद केलंय? प्रति, श्री. देवेंद्र फडणवीसजी मा. मुख्यमंत्री महाराष्ट्र.विषय :- सौ. मयुरी जगताप-हगवणे यांच्याशी संबंधित गुन्ह्यात दोषारोपपत्र दाखल करण्यास झालेल्या दिरंगाईची चौकशी करणेबाबत...मा. महोदय,पुण्यातील वैष्णवी हगवणे या विवाहितेचा सासरकडून हुंड्यासाठी छळ होऊन मृत्यू झाल्यामुळे संपूर्ण महाराष्ट्र अस्वस्थ आहे. वैष्णवी आणि तिच्या कुटुंबियांना न्याय मिळवून देण्यासाठी महाराष्ट्र शासन कटिबद्ध आहे. हे आपण राज्याचे प्रमुख म्हणून स्पष्ट केले आहेच. वैष्णवीच्या दुर्दैवी मृत्यूनंतर हगवणे कुटुंबियांच्या अत्याचाराच्या घटना समोर आल्या असून मोठी सून सौ. मयुरी जगताप-हगवणे हिला होणाऱ्या त्रासासंबंधी राज्य महिला आयोगाकडे मयुरीचा भाऊ श्री. मेघराज जगताप आणि आई श्रीमती लता जगताप यांनी दि.०६.११.२०२४ रोजी तक्रार केली होती. आयोगाने तक्रार प्राप्त झाल्यानंतर त्वरित दखल घेऊन दि.०७.११.२०२४ रोजी पौंड पोलीसांना तात्काळ कार्यवाही करण्याचे निर्देश दिले होते. आयोगाच्या सूचनेनुसार पौड पोलीसांनी गुन्हा दाखल केला होता. तदनंतर या प्रकरणी पोलिसांकडून झालेल्या दिरंगाईबाबत आयोगाने अहवाल मागविला होता. आज दि.२८.०५.२०२५ रोजी पोलीस अधिक्षक, पुणे ग्रामीण यांच्याकडून अहवाल प्राप्त झाला आहे. अहवालात नमूद तपासाचा आढावा घेतले असता आवश्यक पोलीस तपासानंतर सदर प्रकरण महिला अत्याचारासंबंधीचे असल्याने गुन्ह्याची निर्गती ६० दिवसात होणे अपेक्षित असताना गुन्ह्याचे दोषारोपपत्र विहीत मुदतीत मा. न्यायालयात सादर करण्यात आले नसल्याची गंभीर बाब निदर्शनास येत आहे. कौटुंबिक हिंसेच्या या प्रकरणात तक्रारदारास संवेदनशीलतेने आणि वेळेत सहाय्य मिळणे महत्त्वाचे होते. दोषारोपपत्र दाखल करण्यास झालेल्या विलंबाची गृह विभागामार्फत चौकशी करण्यात यावी, अशी आपणास नम्र विनंती आहे.

लाईव्ह न्यूज :

'ट्रॅम्प टॅरिफ'मुळे भडका

'मालेगाव निकाला'वरून राजकारण

कोकाटे आता क्रीडामंत्री

पुणे रेव्ह पार्टी

संसद अधिवेशनातून

PM नरेंद्र मोदी

राहुल गांधी

CM देवेंद्र फडणवीस

लोकमत ई-पेपर

शहरं

मनोरंजन

व्हिडीओ

रुपाली चाकणकरFOLLOW

Read more

कोल्हापूर : पीडित महिलांचे राजकारणासाठी भांडवल, रूपाली चाकणकर यांची टीका

महाराष्ट्र : रूपाली चाकणकर यांच्यावर आर्थिक आरोप, तृप्ती देसाईंसह पीडितेवर सांगलीत गुन्हा दाखल

महाराष्ट्र : पूर्ण वेळ देणाऱ्याला महिला आयोगाची धुरा द्या; मविआ महिला नेत्यांनी घेतली राज्यपालांची भेट

मुंबई : “रुपाली चाकणकरांवर बोलून प्रसिद्धी मिळायला, त्या रश्मिका मंदाना आहेत का?”: सुषमा अंधारे

पुणे : वैष्णवीचे चारित्र्यहनन पूर्णपणे चुकीचे; वकिलांनी बोलताना भान बाळगणे गरजेचे, आयोगाची सूचना

सांगली : रूपाली चाकणकर, अनिल देशमुख यांनी फिर्याद मागे घ्यायला लावली, अत्याचार प्रकरणातील पीडित तरुणीचा आरोप

पुणे : हेल्पलाईन नंबर सकाळी 9.45 ते सायंकाळी 06.15 या कार्यालयीन वेळेत सुरु; महिला आयोगाचे स्पष्टीकरण

पुणे : सामान्यांमध्ये संतापाची लाट! महिला आयोगाचा संपर्क क्रमांक चक्क 'बंद', मनसेचं थेट फडणवीसांना पत्र