पाककृतीFOLLOW

वांगं ही अनेकांच्या आवडीची भाजी, कधी आपण वांग्याचे उभे काप करुन ते परतून वांग्याची भाजी करतो तर कधी फोडी करुन कांदा, बटाटा घालून रस्सा भाजी. पण वांग्याचे काप किंवा भरलेलं वांगं अनेकांना विशेष आवडतं. भाकरीसोबत तर हा वांगं आणि खरड्याचा बेत म्हणजे अस्सल गावरान मेन्यू. भरलं वांगं म्हणजे त्यात खोबरं, दाण्याचा कूट, गरम मसाला, कांदा लसूण मसाला हे सगळं ओघानेच आलं. तेलावर परतलेलं हे वांगं अतिशय चविष्ट होतं. मग या बेतावर चांगला ताव मारला जातो. वांगं वातूळ असल्याने जास्त खाऊ नये असं सांगितलं असलं तरी महाराष्ट्रीयन जेवणातील ही पारंपरिक रेसिपी असल्याने आणि सगळ्यांना आवडत असल्याने आवर्जून केली जाते. आज आपण भरल्या वांग्याचीच थोडी वेगळी अशी हिरव्या ग्रेव्हीची खारं वांगं रेसिपी पाहणार आहोत. हे खारं वांगं चवीला अतिशय छान लागतं आणि जास्त तिखट नसल्याने लहान मुलंही अगदी आवडीने ते खाऊ शकतात. यासाठीचा मसाला कसा करायचा पाहूया (Traditional Khara Vanga Bringle Recipe)...१. साधारण अर्धी वाटी शेंगदाणे कढईमध्ये खरपूस भाजून घ्यायचे. ते भाजून झाले की त्यामध्ये १ ते २ चमचे तीळ घालायचे आणि तेही चांगले परतून घ्यायचे. मग हे दोन्ही चांगलं गार होऊ द्यायचं.२. मिक्सरच्या भांड्यात लसूण, कोथिंबीर, मिरची, जीरं आणि सुक्या खोबऱ्याचे काप घालून पाणी न घालता हे सगळं बारीक वाटून घ्यायचे.३. हे सगळं एका डीशमध्ये काढून मग मिक्सरच्या भांड्यात दाणे आणि तिळाच्या मिश्रणाचा जाडसर कूट करु घ्यायचा. ४. हा कूट आधीच्या वाटणात घालून त्यामध्ये चवीनुसार मीठ घालायचे आणि सगळे हाताने चांगले एकजीव करायचे. ५. वांगी स्वच्छ धुवून त्यांची देठं आणि काटे काढून घ्यायचे. त्यानंतर वरच्या बाजूने वांग्याला २ छेद देऊन त्यामध्ये हा मसाला भरपूर प्रमाणात भरायचा. ६. कढईमध्ये तेल घालून त्यात मोहरी, जीरं आणि कडीपत्ता घालून फोडणी करुन घ्यायची. मग त्यावर ही भरलेली वांगी घालून तेलावर चांगली परतून घ्यायची. View this post on InstagramA post shared by Neelam's Kitchen (@neelams_kitchen_01)७. बाकी राहीलेला मसाला, हळद, हिंग घालून पुन्हा सगळे चांगले परतून घ्यायचे. ८. आवश्यकतेनुसार गरम पाणी घालून कढईवर झाकण ठेवायचे आणि वांगी चांगली शिजवून घ्यायची. ९. ही गरमागरम भाजी भाकरी, पोळी किंवा भातासोबतही अतिशय छान लागते.

लाईव्ह न्यूज :

PM मोदींचा UAE दौरा

CM चा इंधनबचतीचा निर्धार

'नीट' परीक्षा जूनमध्ये

युद्ध थांबलंय.. संपलेलं नाही!

TCS प्रकरणाचे धागेदोरे

IPL 2026

लोकमत ई-पेपर

शहरं

मनोरंजन

व्हिडीओ

पाककृतीFOLLOW

Read more

सखी : Elaichi Sharbat Recipe: विकतच्या कोल्ड्रिंक्सपेक्षा प्या थंडगार वेलची सरबत.. ५ सुपरकुल फायदे, बघा रेसिपी

सखी : नाश्त्याला दलिया खाण्याचे ३ फायदे, उन्हाळ्यात हलका आहार तब्येतीला चांगला

सखी : How To Make Protein Bar At Home : आता घरीच करा ताकद वाढवणारे प्रोटीन बार, साहित्य कमी-न्यूट्रिशन जास्त-पाहा रेसिपी

सखी : Maharashtra Day 2022 : रोज तेच तेच खाऊन कंटाळलात? ट्राय करा १० सोपे मराठमोळे पदार्थ; या घ्या झटपट चविष्ट रेसेपीज

सखी : Kairi Chutney: कैरीचा रसरशीत ठेचा... ५ मिनिटांत तयार, जेवणात येईल न्यारी रंगत, बघा फक्कड रेसिपी

सखी : Eid Special: विकेंडला करा पनीर बिर्याणी!! अशी झकास चव की दिल खूश हो जायेगा..

सखी : केक खायचाय करा इन्स्टंट रबडी केक; गारेगार केकची मस्त आयडिया

सखी : उन्हाळ्यात रात्रीच्या जेवणासाठी खास वन डिश मिल, डाळ पुलाव! करायला सोपा, चवीला बेस्ट

सखी : Eid Special: शीरखुर्मा करताय? हा शाही पदार्थ करण्याची घ्या कमाल खास रेसिपी, खाऊन म्हणाल ..अहाहा..