वन डे वर्ल्ड कपFOLLOW

अयाझ मेमनपहिला विश्वचषक भारताने जिंकला १९८३मध्ये. त्यानंतर भारतीय संघ २००३मध्ये अंतिम फेरीत पोहोचला तर २०११मध्ये विजेता ठरला. यंदा २०२३मध्येही भारतीय संघ अंतिम फेरीत पोहोचला आहे. आता ही अंतिम लढतही भारतीय संघ जिंकणार का, हे रविवारीच कळेल. १९८३मध्ये स्पर्धा सुरू होण्याआधी आणि भारताच्या विश्वविजयानंतर काय वातावरण होतं ते मी तुम्हाला सांगणार आहे. कारण १९८३मध्ये जेव्हा भारताने जगज्जेतेपदाची लढत जिंकली तेव्हा मी इंग्लंडमध्येच होतो. तेव्हाचे वातावरण आतापेक्षा पूर्ण वेगळे होते. कारण २०२३मध्ये भारतीय संघाला विजेतेपदासाठी प्रबळ दावेदार मानले जात आहे. त्यानुसार भारतीय संघाने अंतिम फेरीत धडक मारली. अंतिम फेरीत पाचवेळा जगज्जेत्या तगड्या ऑस्ट्रेलिया संघाचे भारतासमोर आव्हान असेल. त्यामुळे कोणता तरी दुबळा संघ अंतिम फेरीत पोहोचला आहे, असं नाही; पण १९८३चा विचार केला तर भारताचा संघ फारच दुय्यम मानला जात होता. भारतासमोर तगड्या वेस्ट इंडिज संघाचे आव्हान होते. अनेक महान खेळाडूंचा भरणा असलेल्या विंडीजने दोनवेळा जगज्जेतेपद पटकाविले होते. कपिल देव यांच्या नेतृत्वाखालील भारतीय संघाकडून विजयाची कोणतीही अपेक्षा नव्हती. झिम्बाब्वेविरुद्ध कपिल यांनी १७५ धावांची शानदार खेळी केल्यानंतर क्रिकेट चाहत्यांचा आनंद शब्दांत मांडता येणार नाही असाच होता. कपिल देव यांच्यामुळे भारतीय चाहत्यांना आशेचा किरण दिसू लागला होता. त्यानंतर प्रत्येक सामन्यानंतर उत्साहात भर पडत गेली. चेम्सफर्डमध्ये ऑस्ट्रेलियाला नमविले. त्यानंतर भारताने उपांत्य फेरीत इंग्लंडला पराभूत केले. भारतीय संघ अंतिम फेरीत पोहोचल्यामुळे इंग्लंडमधील भारतीय चाहत्यांमध्ये प्रचंड उत्साहाचे वातावरण होते. अंतिम लढतीपर्यंतचा काळ स्वप्नवत असाच होता. यावेळी भारतीय चाहत्यांनी मोठ्या प्रमाणात पार्ट्या करून हा आनंद साजरा केला. आताही उत्साह तसाच आहे; पण आता खेळाडूंवर बरीच बंधने आली आहेत. १९८३मध्ये खेळाडूंवर कोणतीही बंधने नव्हती. त्यामुळे आम्ही खेळाडूंसोबत सहज गप्पा मारायचो. पार्ट्यांना गेल्यावर कपिल देव यांच्यासह सर्वच भारतीय खेळाडूंना आम्ही भेटत होतो.दडपण न घेता नैसर्गिक कामगिरीवर भर द्यावा१९८३मध्ये भारतीय संघाकडे गमावण्यासारखे काहीही नव्हते; मात्र आता तसे नाही. विजेतेपदाचा प्रबळ दावेदार आणि घरच्या मैदानावर खेळत असल्यामुळे भारतीय संघावर दडपण असेल. त्यामुळे भारतीय संघाने दबाव दूर करण्याचा प्रयत्न करायला हवा. जर हा अंतिम सामना आहे, आपल्यासमोर स्टार्क, हेजलवूड, स्मिथ, वाॅर्नर आहेत असा विचार केला तर भारतीय संघावर दडपण आणखी वाढेल. संघाने आतापर्यंत नैसर्गिक कामगिरी केली आहे. रोहित शानदार सुरुवात करीत आहे. त्यानंतर आलेले गोलंदाज प्रभावी कामगिरी करीत आहेत. दोन फिरकीपटू कुलदीप यादव आणि रवींद्र जडेजा हेदेखील शानदार फॉर्मात आहेत. त्यामुळे हे सर्व पाहता भारतीय संघ जेतेपदाचा प्रबळ दावेदार ठरतो. (लेखक लोकमत समूहाचे कन्सल्टिंग एडिटर, आहेत)

लाईव्ह न्यूज :

भारत-पाकिस्तान युद्धाचे ढग?

मोदी सरकारचा इरादा पक्का

पाकिस्तानचा कांगावा

IPL च्या 'रन'भूमीवरून

UPSC निकालात 'जय महाराष्ट्र'

CM देवेंद्र फडणवीस

एकनाथ शिंदे

शहरं

मनोरंजन

व्हिडीओ

वन डे वर्ल्ड कपFOLLOW

Read more

राष्ट्रीय : वर्ल्ड कप फायनल पाहायला जाणार मोदी-शाह; ऑस्ट्रेलियाच्या पंतप्रधानांनाही पाठवलं निमंत्रण

संपादकीय : द ग्रँड विराट-शमी शो...

क्रिकेट : २० साल बाद... नेटीझन्सला पॉन्टींगची आठवण; भारत २००३ ची जखम भरुन काढणार?

क्रिकेट : Australia in Final : भारत-ऑस्ट्रेलिया वर्ल्ड कप फायनल! दक्षिण आफ्रिका पुन्हा ठरले 'चोकर्स'

क्रिकेट : दक्षिण आफ्रिकेच्या 'फिरकी'ने ऑस्ट्रेलियाचे कंबरडे मोडले, ५ पैकी तिघांचे त्रिफळे उडवले; Video

क्रिकेट : अशा गोष्टींची लाज वाटते..., रोहितवर माजी पाकिस्तानी खेळाडूची टीका अन् अक्रम संतापला

क्रिकेट : वर्ल्डकपमध्ये शमीची तुफानी कामगिरी, आता हसीन जहाँने दिली अशी प्रतिक्रिया, म्हणाली..

क्रिकेट : डेव्हिड वॉर्नरचा त्रिफळा अन् रॅसी व्हॅन डेर ड्युसेनचा अविश्वसनीय झेल; ऑसींचा होतोय का खेळ?

क्रिकेट : तेव्हा २१३ आता २१२! ऑस्ट्रेलिया वि. दक्षिण आफ्रिका सेमीफायनलमध्ये होणार १९९९ची पुनरावृत्ती?

क्रिकेट : ऑस्ट्रेलियाने फास आवळला; दक्षिण आफ्रिकेचं नशीब, जो डेव्हिड मिलर उभा राहिला