ग्रेटा थनबर्गFOLLOW

बीड : घराचे सर्च वॉरंट नसताना १२ फेब्रुवारी रोजी नवी दिल्ली पोलिसांनी घराची झडती घेत घरातील कॉम्प्युटरची हार्डडिस्क, एक पुस्तक व इतर साहित्य नेल्याप्रकरणी पर्यावरणवादी कार्यकर्ता शंतनूचे वडील तथा येथील माजी नगराध्यक्ष शिवलाल मुळूक यांनी जिल्हा पोलीस अधीक्षकांकडे लेखी निवेदनाद्वारे तक्रार केली आहे.शिवलाल मुळूक यांनी पोलीस अधीक्षकांना दिलेल्या तक्रारीत म्हटले की, १२ फेब्रुवारी रोजी पहाटे साडेपाच वाजेच्या दरम्यान त्यांच्या चाणक्यपुरी ( बीड ) येथील घरी दोन व्यक्ती आल्या. त्यांनी दिल्ली पोलीस असल्याचे सांगून, ओळखपत्र दाखवत आम्हाला शंतनूविषयी चौकशी करावयाची असल्याचे सांगितले. त्यानंतर त्यांनी माझ्या घराची झडती घेत शंतनूच्या रूममधून एका संगणकाची हार्डडिस्क, एक पुस्तक, मोबाईल कव्हर व पर्यावरण पोस्टरदेखील जप्त केले. तसेच दिल्ली येथे गेल्यानंतर हे साहित्य परत दिले जाईल, असे तोंडी आश्वासन त्यांनी दिले; परंतु हे सर्व करताना त्या दोन पोलीस अधिकाऱ्यांनी आम्हाला सर्च वॉरंट दाखवला नाही किंवा साहित्य जप्तीसंदर्भातदेखील लेखी काही दिले नाही. तसेच जप्त केलेल्या वस्तूंचा पंचनामादेखील केला नाही. ही कारवाई करताना स्थानिक प्रशासनातील अधिकारी त्यांच्यासोबत नव्हते. १२ फेब्रुवारीपासून ते लोक बीडमध्येच थांबलेले आहेत. त्यांनी दोन ते तीन वेळा कॉल करून शासकीय विश्रामगृहावर बोलावून घेत शंतनूबाबत माझ्याकडे चौकशी केल्याचे मुळूक यांनी निवेदनात नमूद केले आहे. दिल्ली पोलिसांनी घराच्या झडतीचे पत्र किंवा साहित्य जप्तीचे पत्र न दाखवता त्यांनी कारवाई केली. या प्रकाराची नोंद घेऊन बीड पोलीस अधीक्षकांनी योग्य ती कारवाई करावी, अशी मागणी मुळूक यांनी निवेदनाद्वारे अधीक्षकांकडे केली आहे.दिल्ली पोलिसांनी सर्च वॉरंट नसताना साहित्य जप्त केल्याची शंतनू मुळूक यांच्या वडिलांची तक्रार प्राप्त झाली आहे. त्यानुसार या प्रकरणाची सखोल चौकशी करून पुढील कार्यवाही केली जाईल.- आर. राजा, पोलीस अधीक्षक, बीड

लाईव्ह न्यूज :

डॉक्टर आत्महत्या प्रकरण

'देवेंद्र'नीती अन् महायुती

बिहारमध्ये गणित जुळलं

राज ठाकरे

PM नरेंद्र मोदी

डोनाल्ड ट्रम्प

Women's World Cup 2025

लोकमत ई-पेपर

शहरं

मनोरंजन

व्हिडीओ

ग्रेटा थनबर्गFOLLOW

Read more

लोकमत शेती : Earth Day अजूनही वेळ गेलेली नाही.. सावध ऐका पुढल्या हाका

फिल्मी : Romina Pourmokhtari, Sweden Climate Minister: २६ वर्षांची तरूणी बनली स्वीडनची मंत्री! जाणून घ्या कोण आहेत रोमिना पोरमोख्तारी?

आंतरराष्ट्रीय : शांततेत आंदोलन करणे वादातीत मानवाधिकार; दिशा रविच्या समर्थनार्थ ग्रेटा थनबर्गचे ट्विट

आंतरराष्ट्रीय : आता ग्रेटा थनबर्ग नासाच्या मंगळ मोहिमेवर भडकली, टीका करताना म्हणाली...

बीड : सर्च वॉरंट नसताना दिल्ली पोलिसांनी घरातून हार्डडिस्क नेली; शंतनूच्या वडिलांची पोलिसात तक्रार

बीड : शंतनू वाईट काम करू शकत नाही; आई हेमलता यांनी व्यक्त केला मुलाबद्दल विश्वास

छत्रपती संभाजीनगर : टूलकिट प्रकरणातील शंतनु मुळूकला १० दिवसाचा ट्रान्झिट अटकपूर्व जामीन मंजूर