पीक व्यवस्थापनFOLLOW

नाशिक जिल्ह्याच्या खामखेडा (ता. बागलाण) परिसरात दररोज होणाऱ्या हवामानातील बदलामुळे शेतीतील पिकांवर विविध रोगांचा प्रादुर्भाव वाढला असून शेतकरी मोठ्या चिंतेत सापडला आहे.पीक वाचविण्यासाठी शेतकरी महागडी औषधे फवारून प्रयत्न करत असले तरी अपेक्षित परिणाम न मिळाल्याने त्यांची चिंता अधिकच वाढली आहे. गतवर्षी ऑक्टोबर व नोव्हेंबर महिन्यात झालेल्या अवकाळी पावसामुळे खरिपाची पिके मोठ्या प्रमाणात हातातून गेली होती.या नुकसानीतून सावरण्याचा प्रयत्न करत शेतकरी रब्बी हंगामाच्या तयारीला लागला. मात्र चालू वर्षीही हवामानातील सततच्या बदलांमुळे रब्बी पिकांवरही संकट ओढावले आहे. साधारणपणे ऑक्टोबर महिन्यात कडक ऊन आणि दिवाळीनंतर थंडीचे प्रमाण वाढते. ही थंडी पिकांसाठी पोषक ठरत असल्याने गहू, कांदा, हरभरा यासारखी पिके निरोगी वाढतात.मात्र गेल्या दोन-तीन वर्षांपासून ऋतुमानात मोठे बदल होत असून जानेवारी महिन्यात थंडीऐवजी ढगाळ वातावरण, सकाळी थंडी, त्यानंतर कडक ऊन आणि दुपारनंतर पुन्हा ढगाळ वातावरण असा विचित्र अनुभव शेतकरी घेत आहेत. या परिस्थितीमुळे उष्णता वाढून पिकांना पोषक वातावरण मिळत नसल्याचे चित्र आहे.कांद्याची रोपे पडताहेत पिवळीरब्बी हंगामातील गहू, हरभरा आणि रांगड्या कांद्याची लागवड मोठ्या प्रमाणावर झाली आहे. पुढील काळात पाण्याची टंचाई भासू नये म्हणून अनेक शेतकऱ्यांनी उन्हाळी कांद्याची लागवड लवकर सुरू केली आहे.मात्र सध्या सर्वत्र उन्हाळी कांद्याची लागवड जोरात सुरू असल्याने आणि ढगाळ हवामानामुळे कांद्याची रोपे पिवळी पडून खराब होऊ लागली आहेत. गेल्या पंधरा दिवसांपूर्वी झालेल्या अवकाळी पावसामुळे कांद्यावर करपा व मावा रोगाचा प्रादुर्भाव वाढला आहे.शेतकरी बांधवांसाठी महाविस्तार ॲप सुरू करण्यात आले आहे. त्यावर दररोज हवामानाचा अंदाज वर्तवला जातो आणि त्यानुसार पिकांवर कोणकोणत्या औषधांची फवारणी करायची याबाबत सल्लाही दिला जातो. पिकांवरी कीड नियंत्रणासाठी शेतकऱ्यांनी लाभ घ्यावा. - व्ही. एस. गायकवाड, कृषी सहायक. हरभऱ्यावर अळी, तर गव्हावर मावा, तांबेराहरभरा पिकावर अळी रोग, तर गव्हावर मावा व तांबेरा रोग दिसून येत आहे. या रोगांचा प्रादुर्भाव रोखण्यासाठी शेतकरी विविध औषधांची फवारणी करत आहेत. मात्र वाढती मजुरी, महागडी औषधे आणि वाढती महागाई या दुष्टचक्रात अडकलेल्या शेतकऱ्यांना मोठा आर्थिक फटका बसत आहे. महागडी औषधे वापरूनही पिकांमध्ये अपेक्षित सुधारणा होत नसल्याने शेतकरी हताश व चिंतातुर झाला आहे.हेही वाचा : मंदीच्या लाटेत देखील 'हा' शेतकरी म्हणतोय मेथीची एक जुडी देतेय ५० रुपयांचे उत्पन्न; वाचा सविस्तर

लाईव्ह न्यूज :

पुन्हा चर्चेची फेरी की 'फैरी'?

भोंदू खरातचे काळे कारनामे

IPL मधले 'धुरंधर' कोण?

PM नरेंद्र मोदी

CM देवेंद्र फडणवीस

लोकमत ई-पेपर

शहरं

मनोरंजन

व्हिडीओ

पीक व्यवस्थापनFOLLOW

Crop Management - पिकाची लागवड केल्यानंतर उत्पादन हातात येईपर्यंत त्याची देखभाल आणि व्यवस्थापन केले जाते.

Read more

लोकमत शेती : E Pik Pahani : ई पीक पाहणीचे शेवटचे तीन दिवस शिल्लक, नोंदणी न केल्यास काय होईल?

लोकमत शेती : हरभऱ्याची अवास्तव शाकीय वाढ कशामुळे होते, त्यावर उपाय काय करावा, वाचा सविस्तर

लोकमत शेती : Soil PH Level : मातीचा पीएच कशामुळे बिघडतो आणि तो किती असायला हवा, वाचा सविस्तर

लोकमत शेती : सर्वाधिक दरामुळे यंदा उन्हाळी तीळ ठरणार फायदेशीर; कमी दिवसांत येणारे महत्त्वाचे पीक

लोकमत शेती : Alternative Crop Farming : शेतात फणस, लिंबू अन् आंबा, धुऱ्यावर बहरला शेवगा! बहुपर्यायी पिकांतून लाखोंचं उत्पन्न

लोकमत शेती : Navin Amba Lagvad : पहिल्यांदा आंबा बाग लावताय, डब्बल उत्पन्नासाठी ही आंतरपीके लागवड करा!

लोकमत शेती : गहू फुटवे वाढीसाठी जबरदस्त फॉर्म्युला, असे करा अन्नद्रव्य व्यवस्थापन, वाचा सविस्तर

लोकमत शेती : कोबीवर्गीय पिकांवरील रायसीनेस म्हणजे काय, नेमके कशामुळे होते, यावर उपाय काय करावा?

लोकमत शेती : Greasy Spot Disease : संत्रा शेतीचं गणित बिघडणार? कारण आहे 'ग्रीसी स्पॉट' वाचा सविस्तर

लोकमत शेती : मोसंबीला बाजारात अधिक दर हवा असेल तर कोणता बहार धरावा? जाणून घ्या सविस्तर