दुचाकीने टेम्पोला धडक दिल्याने तरुणाचा मृत्यू

मुंब्रा : टेम्पोला दुचाकीने मागून धडक दिल्यामुळे झालेल्या अपघातात एका तरुणाचा मृत्यू झाल्याची घटना शनिवारी सकाळी मुंब्य्रात घडली. येथील अमृतनगर परिसरात राहाणारा सोहेल खान (वय २१) हा तरुण त्याच्या मित्राच्या दुचाकीवर बसून ठाण्याच्या दिशेने कामाला चालला होता. येथील शैलेशनगर गृहसंकुला जवळील रस्त्यावरून दुचाकी मार्गक्रम करत असताना ती टेम्पोला जाऊन धडकली. यामुळे दुचाकीवरील दोघे खाली पडले. यात गंभीर जखमी झालेल्या सोहेलचा घटनास्थळावर मृत्यू झाला. तर दुचाकीचालक सुफियान खान (वय २१) जखमी झाल्याने त्याला कळव्यातील छत्रपती शिवाजी महाराज रुग्णालयात दाखल केले. येथील रस्त्यावरून वाहत असलेल्या सांडपाण्यामुळे दुचाकी घसरू अपघात झाल्याची माहिती स्थानिकांनी लोकमतला दिली.