उल्हासनगर : कॅम्प नं-१ राणा कंपाऊंड येथील कोहिनुर इमारतीच्या पाचव्या मजल्यावर लोखंडी सळई बसविण्याचे काम करणारा कामगार खाली पडून मृत्यू झाला. सुरक्षिततेचे कोणतेही उपकरणे पुरविले नसल्याचा ठपका ठेकेदार पटेल, तस्लिम शेख व इतरावर उल्हासनगर पोलीस ठाण्यात गुन्हा दाखल करण्यात आला.
उल्हासनगर कॅम्प नं-१ राणा कंपाऊंड परिसरात कोहिनुर इमारत बांधण्याचे काम सुरू आहे. शुक्रवारी सायंकाळच्या वेळेस इमारतीच्या पाचव्या मजल्यावर लोखंडी सळई बांधण्याचे काम इजहार आलम हा कामगार करीत असतांना खाली पडून मृत्यू झाला. इमारतीचा मुख्य ठेकेदार पटेल, स्टील फिटिंगचे ठेकेदार तस्लिम शेख व इतरांनी कामगारांना सुरक्षितेची उपकरणे व साधने पुरविले नाही. असा ठपका ठेवून पोलिसांनी उल्हासनगर पोलीस ठाण्यात गुन्हा दाखल केला. अधिक तपास पोलीस करीत आहेत.