कल्याण : ‘भानुसागर’ मल्टीस्क्रीन थिएटरमध्ये सुरू असलेल्या ‘पद्मावत’ चित्रपटाचा खेळ रोखण्याकरिता दोन अनोळखी दुचाकीस्वारांनी थिएटरच्या दोन पेट्रोलबॉम्ब फेकून दहशत निर्माण करण्याचा प्रयत्न केला. शनिवारी सायंकाळी ६ ते ९ च्या चित्रपटाचे खेळ सुरू होते. चित्रपट सुटण्यास जेमतेम ८ ते १० मिनिटे असताना त्यांनी हे कृत्य करुन पळ काढला.
पद्मावत चित्रपट सुरु असताना भानू सागर या कल्याण मधील चित्रपटगृहासमोर आज (ता.२७) रोजी रात्री ९:१० वाजता काही अज्ञात इसमानी पेट्रोल बॉम्बब्लास्ट घडवून आणला. स्थानिक ए.सि.पी. आणि पी.आय. घटनास्थळी उपस्थित असून घटनेचा शोध घेत आहेत. मिळालेल्या माहितीनुसार घटनास्थळी कोणतीही जीवितहानी झाली नाही