ठाणे : ठाण्यातील कासारवडली आणि कोपरी पोलीस ठाण्याच्या हद्दीतून दोन दुचाकी चोरीला गेल्याची घटना घडली आहे. कासारवडवली पोलीस ठाण्याच्या हद्दीत वाघबीळ येथील साई हॉटेलसमोर पार्क केलेली दुचाकी चोरीला गेल्याची घटना २५ जून रोजी सायंकाळी ५ च्या सुमारास घडली. या प्रकरणी कासारवडली पोलीस ठाण्यात गुन्हा नोंद केला आहे. तसेच कोपरी पोलीस ठाण्याच्या हद्दीत कमलेश सोसायटी परिसरात पार्क करून ठेवलेली अन्य एक दुचाकी अज्ञात चोराने चोरून नेल्याची घटना २५ जून रोजी सकाळी ९ च्या सुमारास घडली. या प्रकरणी कोपरी पोलीस ठाण्यात गुन्हा नोंद केला आहे.
------------------------------------------
अपघातात जखमी
ठाणो : कोपरी पोलीस ठाण्याच्या हद्दीत २५ जून रोजी सांयकाळी ७ च्या सुमारास मंगला हायस्कूल समोरील रस्त्याने जात असलेल्या ६२ वर्षीय वृद्धास पाठीमागून येणाऱ्या तीनचाकी टेम्पोने धडक देऊन फरफटत पुढे नेले. या अपघातात तो गंभीर जखमी झाल्याने त्याच्यावर उपचार सुरू आहेत. या प्रकरणी कोपरी पोलीस ठाण्यात टेम्पोचालक राज थोरात (वय २२) याच्या विरोधात गुन्हा नोंद केला आहे.
---------------------------------------