सुरीने हल्ला करुन मोबाईलची जबरी चोरी करणाऱ्या त्रिकुटास अटक

सुरीने हल्ला करुन गणेश किरवे (४०, रा. वारलीपाडा, ठाणे) यांच्या १३ हजारांच्या मोबाईलची जबरी चोरी करणाºया वैभव परब याच्यासह तिघांना श्रीनगर पोलिसांनी नुकतीच अटक केली आहे.

ठळक मुद्दे श्रीनगर पोलिसांची कामगिरीशिवीगाळ करुन दमदाटी करीत पैसे आणि मोबाईलची मागणी

लोकमत न्यूज नेटवर्कठाणे : सुरीने हल्ला करुन गणेश किरवे (४०, रा. वारलीपाडा, ठाणे) यांच्या १३ हजारांच्या मोबाईलची जबरी चोरी करणाºया वैभव परब याच्यासह तिघांना श्रीनगर पोलिसांनी नुकतीच अटक केली आहे. याप्रकरणी श्रीनगर पोलीस ठाण्यात जबरी चोरीचा गुन्हा दाखल झाल्याची माहिती पोलिसांनी रविवारी दिली.वागळे इस्टेट, श्रीनगर भागात राहणारे किरवे हे १८ डिसेंबर २०२० रोजी पहाटे ३ वाजण्याच्या सुमारास रोड क्रमांक १६, वागळे इस्टेट येथून त्यांच्या मोटारकारने जात होते. त्यावेळी त्यांच्या पाठीमागून एका दुचाकीवरुन आलेल्या दोघांनी त्यांच्या कारचा दरवाजा उघडून किरवे यांना ‘कट का मारलास’ असे बोलून त्यांना शिवीगाळ करुन दमदाटी करीत पैसे आणि मोबाईलची मागणी केली. तेंव्हा आपल्याकडे पैसे नसल्याचे किरवे यांनी सांगितल्यानंतर वैभव याने लोखंडी सुरीने किरवे यांच्या पायाच्या ढोपराखाली वार करुन त्यांच्याकडील मोबाइल जबरदस्तीने हिसकावला. तर त्याचा साथीदार संकेत गायकवाड याने त्यांना कारच्या बाहेर खेचले. याप्रकरणी जबरी चोरीचा गुन्हा दाखल झाल्यानंतर वरिष्ठ पोलीस निरीक्षक विजय शिंदे यांच्या मार्गदर्शनाखाली पोलीस उपनिरीक्षक दिनेश चव्हाण यांच्या पथकाने तिघांना अटक केल्याची माहिती सूत्रांनी दिली.