भिवंडी- राज्याचे राज्यपाल भगतसिंह कोश्यारी यांना राज्यपाल पदावरून हटविल्याने सोमवारी भिवंडीत राष्ट्रवादी युवक काँग्रेसच्या वतीने पेढे वाटून आनंदोत्सव साजरा करण्यात आला.राष्ट्रवादी युवक काँग्रेसचे प्रदेश सचिव अजीत झा यांनी शहरातील नारपोली भंडारी चौक व बाजारपेठेत नागरिक व दुकानदारांना पेढे वाटून आपला आनंद साजरा केला.
राज्यपाल कोश्यारी हे सतत महाराष्ट्र राज्याची प्रतिमा मलीन होईल व राज्यातील महापुरुषांचा अवमान होईल असे वादग्रस्त वक्तव्य करत होते, त्यामुळे ते राज्यपाल पदावरून पाय उतार झाल्याने आजचा आनंद उत्सव साजरा करत आहोत अशी प्रतिक्रिया राष्ट्रवादी युवक काँग्रेसचे प्रदेश सचिव अजित जा यांनी यावेळी दिली आहे.याप्रसंगी भिवंडी शहर कार्याध्यक्ष हारून खान व पदाधिकारी तसेच कार्यकर्ते मोठ्या संख्येने उपस्थित होते.