कल्याण : कल्याण-भिवंडी रस्त्यावर मद्यधुंद अवस्थेत जीप चालविणाऱ्या चालकाला महात्मा फुले चौक पोलिसांनी ताब्यात घेतले. पोलिसांनी तत्परतेने ही कारवाई केल्याने मोठा अनर्थ ठरला. अन्यथा मोठा अपघात होऊन एखाद्याचा बळी गेला असता.
मंगळवारी रात्री एक जीप जात असताना काही लोकांची नजर पडली. गाडीचालक हालत डुलत गाडी चालवित होता. दोन, तीन गाड्या अपघात होण्यापासून वाचल्या. काही नागरिकांनी ओरडा केल्यावर त्या चालकाने सहजानंद चौकात भररस्त्यात जीप थांबविली. चालक हा मद्यधुंद अवस्थेत आढळला. तो गाडी कुठून घेऊन जात आहे, याचीही त्याला शुद्ध नव्हती. गाडी रस्त्यात उभी करून तो झोपला. जवळ असलेल्या सहजानंद पोलीस चौकीतून महात्मा फुले पोलीस ठाण्याचे पोलीस घटनास्थळी पोहोचले. या मद्यधुंद चालकाला ताब्यात घेतले आहे. राजेश राठोड असे या चालकाचे नाव असून, तो भिवंडीहून कल्याणला आला होता. सामान सोडून त्याने मद्यपान केले. तो कल्याणहून भिवंडीकडे जात होता. सध्या चालकाच्या विरोधात पोलिसांनी कारवाई केली आहे. मात्र ही गाडी वेळेत थांबविल्याने मोठा अपघात टळला. नाही तर मद्यधुंद चालकाने कोणाचा तरी जीव घेतला असता, अशी प्रतिक्रिया प्रत्यक्षदर्शींनी दिली.
--------------