मजुरांच्या टंचाईने भातकापणी संथ

तालुक्यातील कासा, वाणगाव भागातील उन्हाळी भातकापणीला सुरूवात झाली असली तरी मजुरांच्या टंचाईमुळे तिची गती संथ आहे.

डहाणू/कासा या तालुक्यातील कासा, वाणगाव भागातील उन्हाळी भातकापणीला सुरूवात झाली असली तरी मजुरांच्या टंचाईमुळे तिची गती संथ आहे.तालुक्यात सूर्या कालव्याच्या पाण्यावर शेतकरी उन्हाळ््यात मोठ्या प्रमाणात भातशेती, भाजीपाला व भुईमुगाची लागवड करतात. मात्र उशिरा व अनियमित पाणीपुरवठ्यामुळे पिकांवर व उत्पादनावर विपरीत परिणाम झाला आहे.तसेच काही ठिकाणी कालव्यांचे बांधकाम ढासळलेले आहे तर काही ठिकाणी प्लॅस्टर निघून गेल्याने पाण्याचा निचराही मोठ्या प्रमाणात होतो. परिणामी शेतीला वेळेवर व योग्य पाणीपुरवठा होत नाही त्याचा पिकांच्या वाढीवर विपरीत परिणाम होतो असे शेतकरी सुनील पाटील यांनी सांगितले.दरम्यान, पिकांवर होणाऱ्या रोगांचा प्रादुर्भाव व निकृष्ट दर्जाची बियाणे यामुळे पीक उत्पादन घटते.शेतकऱ्यांनी गेल्या आठवडाभरापासून भातकापणीस सुरूवात केली आहे. परंतु काही पिके ९० दिवसांची तर काही १०० व ११० दिवसांची होती. गेल्या आठवडाभरापूर्वी शेतीला पाणीपुरवठा झाल्याने शेतात पाणी तसेच ओलावा आहे. त्यामुळे ज्या शेतकऱ्यांनी भातकापणीची कामे सुरू केली आहेत. त्यांना भातकापणीवरून वाळवण्यासाठी भाताची कडपे बाहेर काढावी लागत आहेत.