शहरं
Join us  
Trending Stories
1
भारताचा मोठा निर्णय! पाकिस्तानातील १६ युट्यूब चॅनेल्सवर घातली बंदी, बघा संपूर्ण यादी
2
"तुमचे बजेट आमच्या लष्करी बजेटइतकेही नाही", ओवैसींनी पाकला सुनावलं, म्हणाले, "तुम्ही भारतापेक्षा अर्धा तास..."
3
भारतासोबत युद्ध न झालेलेच बरे; युद्धाचा प्रस्ताव घेऊन गेलेल्या शाहबाज यांना नवाझ शरीफ यांचा सल्ला
4
भारतात कोणत्या बँकेचे क्रेडिट कार्ड सर्वाधिक लोकप्रिय?
5
आपल्याच लोकांनी विश्वासघात केला! पहलगाम हल्ल्यात १५ काश्मिरींची ओळख पटली
6
पॅडी दादाने पाहिला सूरज चव्हाणचा 'झापूक झापुक'; कौतुक करत म्हणाले, "सुखद धक्का..."
7
समृद्धी महामार्गावर अपघात, आयशर वाहन खांबावर आदळले! संभाजीनगरचा चालक ठार, सहकारी जखमी
8
"अशीच कुठूनतरी येईल गोळी किंवा फुटेल ग्रेनेड...", श्रेयस राजेची पहलगाम हल्ल्यावरील कविता चर्चेत
9
जीवन संपवण्यापूर्वी डॉ. शिरीष वळसंगकर यांनी चार जणांना केले होते फोन, सीडीआरमधून समोर आली नवी माहिती
10
EPFO पोर्टलनं वाढवली युजर्सची डोकेदुखी; लॉग इन पासून पासबुक डाऊनलोडपर्यंत येताहेत समस्या
11
पंतगराव कदम यांच्या कन्या भारती लाड यांचे निधन; पुण्यात घेतला अखेरचा श्वास
12
"हिंदी ऑडिशन क्रॅक करता येत नाहीयेत...", आस्ताद काळेने सांगितला अनुभव; म्हणाला...
13
अजब प्रेम की गजब कहाणी! आधी लैंगिक अत्याचाराच्या गुन्ह्यात अडकवलं; नंतर त्याच्यासोबत लग्न केलं
14
'माझ्या मतदारसंघात येऊन मला शहाणपणा शिकवायची गरज नाही', योगेश कदम यांनी नितेश राणेंना सुनावलं
15
AI मुळे आयटी क्षेत्रातील नोकऱ्यांना किती धोका? TCS च्या जागतिक अधिकाऱ्याने स्पष्टच सांगितलं
16
"स्वतःच लोकांना मारता, तासभर एकही सैनिक तिथे गेला नाही"; आफ्रिदीने पहलगाम हल्ल्यासाठी सैन्याला धरले जबाबदार
17
Post Office च्या कमालीच्या पाच सेव्हिंग स्कीम्स; गुंतवणूक करा, मिळेल FD पेक्षा अधिक व्याज
18
पाकिस्तानला तुर्कीची रसद! बायरकतार ड्रोनसह सहा विमाने भरून शस्त्रास्त्रे कराचीला पोहोचली
19
Mumbai: BEST बसचे तिकीट दरात दुप्पटीने महागणार! साध्या आणि एससी बसच्या प्रवासासाठी किती पैसे मोजावे लागणार?
20
ऐकावे ते नवलच! एक व्यक्ती मृत असतानाही सोलापुरातील निवडणुकीत झाले १०० टक्के मतदान

शरद पवार यांनी अशी केली आपल्या आमदारांची सुटका, गुडगावच्या हॉटेलमध्ये होते नजरकैदेत

By ऑनलाइन लोकमत | Updated: November 26, 2019 07:11 IST

राष्ट्रवादीचे बंडखोर नेते तथा राज्याचे नवे उपमुख्यमंत्री अजित पवार यांनी पक्षाच्या काही आमदारांना देशातील काही भागांत वेगवेगळ्या ठिकाणी लपवून ठेवले होते.

- नारायण जाधवठाणे : राष्ट्रवादीचे बंडखोर नेते तथा राज्याचे नवे उपमुख्यमंत्री अजित पवार यांनी पक्षाच्या काही आमदारांना देशातील काही भागांत वेगवेगळ्या ठिकाणी लपवून ठेवले होते. त्यातील नितीन पवार, दौलत दरोडा, अनिल पाटील आणि अण्णा बनसोडे यांना गुडगाव येथील हॉटेल ओबेरायमध्ये प्रचंड बंदोबस्त आणि भाजप कार्यकर्त्यांच्या नजरकैदेत ठेवले असल्याची माहिती पक्षाचे अध्यक्ष खा. शरद पवार यांना मिळताच त्यांनी तत्काळ आपली सूत्रे हलवून काँगे्रस नेते अहमद पटेल यांना फोन करून या आमदारांची सुखरूप सुटका केली. या मोहिमेत मूळचे हरयाणाचे असलेले नवी मुंबईतील काँगे्रस नेते तथा शहराचे माजी उपमहापौर अनिल कौशिक यांनी महत्त्वाची भूमिका बजावली.या मोहिमेविषयी अधिक माहिती देताना कौशिक यांनी सांगितले की, पवार यांनी अहमद पटेल यांनी ही बाब सांगितल्यानंतर पटेल यांनी तत्काळ आपल्याशी संपर्क साधला. तेव्हा आपण जयपूर येथे होतो. परंतु, तत्काळ गुडगावला येऊन हॉटेल ओबेरॉय गाठले. तेथे किमान दीडशे पोलीस आणि पाचशेच्या आसपास भाजप कार्यकर्ते होते. मात्र,आपण भूपेंद्र हुड्डा व सुखवीर कटारियांना सांगून आणि स्थानिक हरयानवी भाषेत पोलिसांशी चर्चा करून थेट हॉटेलमध्ये ज्या ठिकाणी राष्ट्रवादीच्या आमदारांना ठेवले होते, तो परिसर गाठला. तेथे हे आमदार हरयाणाचे मुख्यमंत्री मनोहरलाल खट्टर यांचे ओएसडी जवाहर यादव यांच्या ताब्यात होते. मात्र, आपण थेट दौलत दरोडा यांच्याशी मराठी भाषेत संवाद साधला. तेव्हा यादव यांना आश्चर्य वाटले. मात्र, आपण जरी हरयाणाचे असलो, तरी महाराष्ट्रात रायगडमध्ये आपला ट्रान्सपोर्टचा व्यवसाय असल्याने उत्तम मराठी बोलतो, असे सांगितले.तसेच हे आमदार राष्ट्रवादीचे नसून शिवसेनेचे आहेत, असे भासविले. त्यानंतर एकेक करून अनिल पाटील आणि नरहरी झिरवळ यांना आपल्याला शरद पवारसाहेबांनी पाठवले आहे, असे सांगून विश्वासात घेऊन त्यांना हॉटेलमध्ये एका सुरक्षित ठिकाणी जायला सांगितले. त्याअगोदर नितीन पवार यांनी आपली सुटका केलेली होती. तेथे स्थानिक काँगे्रस कार्यकर्ते आणि राष्ट्रवादी विद्यार्थी संघटनेच्या अध्यक्षा सोनिया दुहण, धीरज शर्मा उपस्थित होते. तेथून निघताना पोलिसांनी पुन्हा अडवले. मात्र, स्थानिक हरयानवी भाषेत त्यांना दम भरून सरळ गाड्यांमध्ये बसवून पवारसाहेबांनी सांगितलेल्या ठिकाणी नेले. तेथून टर्मिनल-२ गाठून या आमदारांना मुंबईत सुरक्षित पाठवले, असे कौशिक यांनी सांगितले. अशा पद्धतीने शरद पवार यांनी अहमद पटेलांना फोन करून आणि आपल्या तेथील कार्यकर्त्यांना सांगून या तिन्ही आमदारांची सुखरूप सुटका केली. यात अण्णा बनसोडे मात्र अजूनही संपर्काबाहेर असून त्यांचाही लवकर शोध लागेल, असे ते म्हणाले.गुडगावच्या हॉटेल ओबेरायमध्ये किमान दीडशे पोलीस, पाचशेच्या आसपास भाजप कार्यकर्ते होते. मात्र, कौशिक यांनी भूपेंद्र हुड्डा व सुखवीर कटारियांना सांगून आणि स्थानिक हरयानवी भाषेत पोलिसांशी चर्चा करून थेट हॉटेलमध्ये ज्या ठिकाणी राष्ट्रवादीच्या आमदारांना ठेवले होते, तो परिसर गाठला. 

टॅग्स :thaneठाणेPoliticsराजकारण