ठाण्यात रिव्हॉल्व्हरची तस्करी करणाऱ्यास अटक: गावठी कट्टा हस्तगत

ठाण्यातील तीन हात नाका ते ज्ञानसाधना महाविद्यालयाच्या रस्त्याकडे जाणाºया सेवा रस्त्यावर रिव्हॉल्व्हरची तस्करी करण्यासाठी एक व्यक्ती येणार असल्याची माहिती वरिष्ठ पोलीस निरीक्षक दत्तात्रय ढोले यांना मिळाली होती. याच माहितीच्या आधारे रिव्हॉल्व्हरची तस्करी करणाºया आकाश यादव याला वागळे इस्टेट पोलिसांनी अटक केली.

ठळक मुद्दे वागळे इस्टेट पोलिसांची कारवाईदोन जिवंत काडतुसे हस्तगत

लोकमत न्यूज नेटवर्कठाणे : रिव्हॉल्व्हरची तस्करी करणाºया आकाश यादव (२५, रा. उत्तरप्रदेश) याला वागळे इस्टेट पोलिसांनी मंगळवारी पहाटेच्या सुमारास अटक केली. त्याच्याकडून २५ हजारांचे रिव्हॉल्व्हर आणि दोन जिवंत काडतुसे हस्तगत केल्याची माहिती सूत्रांनी दिली.तीन हात नाका ते ज्ञानसाधना महाविद्यालयाच्या रस्त्याकडे जाणाºया सेवा रस्त्यावर रिव्हॉल्व्हरची तस्करी करण्यासाठी एक व्यक्ती येणार असल्याची माहिती वरिष्ठ पोलीस निरीक्षक दत्तात्रय ढोले यांना मिळाली होती. याच माहितीच्या आधारे पोलीस उपायुक्त विनय राठोड यांच्या मार्गदर्शनाखाली ढोले यांच्यासह निरीक्षक अरविंद वळवी यांच्या पथकाने ज्ञानसाधना महाविद्यालय परिसरातून आकश यादव याला सापळा लावून २२ डिसेंबर रोजी पहाटे ४.४५ वाजण्याच्या सुमारास अटक केली. त्याने हे रिव्हॉल्व्हर कोणाकडून आणले? त्याचे यामध्ये आणखी कोणी साथीदार आहेत का? याचाही शोध घेण्यात येत असल्याचे वागळे इस्टेट पोलिसांनी सांगितले.