- शाम धुमाळ
कसारा: बुधवारी २१ जुलै रोजी रात्री झालेल्या मुसळधार पावसामुळे कसारा च्या रेल्वे व महामार्ग घाटात महाकाय दरडी कोसळल्याने मुंबई नाशिक रेल्वे मार्गा सह महामार्गांवरील वाहतूक विस्कळीत झाली. रात्री ७:३० च्या सुमारास मुंबई नाशिक महामार्गांवरील कसारा घाटात ४ ठिकाणी महाकाय दरडी पडण्याच्या घटना घडल्या परिणामी दरड कोसळल्याने मुबई नाशिक लेन बंद करण्यात आली नाशिककडे जाणारी वाहतूक नाशिक मुंबई लेन वरून सुरु करण्यात आली.
दरडी कोसळल्याचे समजताच महामार्ग पोलीस ,कसारा पोलीस,आपत्ती व्यवस्थापन टीम ने घटनस्थळी धाव घेत मदत कार्य सुरु केले. २ तासानंतर देखील राष्ट्रीय महामार्ग प्राधिकरण,व टोल कंपनी कडून मदत उपलब्ध होत नसल्याने आपत्ती टीम व पोलिसांनी समृद्धी महामार्ग व्यवस्थापन ची मदत घेत त्यांच्या कडील मशीनरी च्या सहाय्याने दरडी हटवण्यात आल्या तब्ब्ल 3 तासानंतर घाटातील वाहतूक सुरळीत करण्यात आली.
दरम्यान मध्य रेल्वेच्या कसारा इगतपुरी रेल्वे स्थानक दरम्यान कसारा रेल्वे घाटात 2 ठिकाणी रेल्वे रुळावर मोठ्या प्रमाणात दरड व मातीचा मलबा रेल्वे ट्रक वर आल्याने व लूप लाईन च्या रेल्वे ट्रॅक खालील माती भराव वाहून गेल्याने नाशिक कडे जाणारी वाहतूक रात्री ८ पासून बंद ठेवण्यात आली.घटनास्थळी रेल्वे चे कर्मचारी,अधिकारी यांनी मदत कार्य सुरु केले असून अध्याप मलबा हटविण्याचे काम सुरु होते.परिणामी या मुळे कसारा रेल्वे स्थानकात मुबई हून नाशिक सह लांब पलय्यांच्या गाड्या थांबवण्यात आल्या होत्या
रात्री ९:२० च्या सुमारास मुसळधार पावसामुळे कसारा कल्याण रेल्वे मार्गांवरील उंबरमाळी रेल्वे स्थानकात पाणी भरले होते यामुळे रेल्वे रुळा खालील भराव देखील मोट्या प्रमाणात वाहून गेल्याने कल्याण कडे जाणारी रेल्वे वाहतूक अनिश्चित काळ साठी बंद करण्यात आली होती. उबरमाळी रेल्वे स्थानकातील पाणी काढण्यासाठी आपत्ती व्यवस्थापन टीम या समाजिक संस्थेच्या सदस्यांनी मदत केली दरम्यान रात्री ८ ते दुपारी 2 वाजेपर्यंत कुठलीही रेल्वे वाहतूक सुरु झाली नव्हती.त्या मुळे काल पासून गाडीत अडकून पडलेल्या प्रवाशांचे हाल झाले.