ठाणे : गणेशोत्सवानिमित्त दरवर्षी फुलांचे दर वाढतात. परंतु, यंदा झालेल्या अतिवृष्टीचा परिणाम फुलांच्या आवकवर झाला आहे. यंदाच्या गणेशोत्सवात फुल बाजारात फुलांची आवक कमी असली, तरी उत्सवानिमित्त मागणी भरपूर आहे. फुलांचे दर अव्वाच्या सव्वा वाढले आहेत. रंगीत फुलांना यंदा प्रचंड मागणी असल्याने त्यांचे दर चौपट झाले असल्याचे फुलविक्रेत्यांनी लोकमतला सांगितले.
सोमवारी गणरायाचे आगमन होणार आहे. यानिमित्ताने वीकेण्डला बाजारात खरेदीसाठी गर्दी झाली आहे. या उत्सवानिमित्त शेवटची खरेदी असते, ती फुलांची. फुले ही लगेच खराब होत असल्याने त्याची खरेदी शेवटी करण्याकडे भक्तांचा ओढा असतो. श्रावण महिना सुरू झाला की, फुलांच्या दरांत वाढ होते. गणेशोत्सवाच्या दोन दिवस आधी हे भाव गगनाला भिडतात. यंदा अतिवृष्टीमुळे फुलांची पिके वाहून गेली असल्याने फुलांची आवक कमी झाली आहे. परंतु, फुलांना मागणी भरपूर असल्याचे फुलविक्रेते राजेश रावळ यांनी सांगितले. मोगऱ्याचा दर २००० रुपये प्रतिकिलो आहे. पिवळा गोंडा, केशरी-पिवळा कलकत्त्याला फक्त हारापुरतीच मागणी असते. परंतु, यंदा शेवंती, बिजली, लीली, केवडा यासारख्या रंगीबेरंगी फुलांना प्रचंड मागणी असल्याचे निरीक्षण फुलविक्रेत्यांनी नोंदवले. रविवारी या फुलांचे दर आणखीन वाढण्याची शक्यता रावळ यांनी वर्तवली आहे.फुलांची नावे फुलांचे दरपिवळा गोंडा ८० ते १०० रु. किलोकेशरी कलकत्ता १०० ते १२० रु. किलोपिवळा कलकत्ता १४० रु. किलोमोगरा २००० रु. किलोमोगºयाचा गजरा ३० रु.जाई-जुई १६० रु. किलोगुलछडी ४०० रु. किलोपिवळी / सफेद शेवंती ३०० रु. किलोबिजली २५० रु. किलोअष्टर ४०० रु. किलोकापरी १२० रु. किलोलीली ३० रु. बंडलकेवडा २५० ते ३०० रु. बंडलहिरवी शेवंती ३०० रु. किलोफुलांची नावे फुलांचे दरसाधी वेणी ५० ते १०० रु.गुलछडी वेणी १५० रु.अबोली वेणी १५० रु.चाफा ५ रु.दूर्वा १० रु.हिरवी सुपारी १० रु.शमीपत्र १० ते २० रु. जुडीतुळशी ३० ते ५० रु. बंडलसाधा गुलाब ८० रु. बंडलचायनीज गुलाब १५० रु. बंडलकंठी १०० ते ५०० रु.१०० फुले आली असली, तरी मागणी एक हजार फुलांची आहे, असे प्रमाण यंदा आहे. - राजेश रावळ, फुलविक्रेते