पेण : सध्याच्या काळात गगनाला भिडलेली महागाई, महिन्याआड पेट्रोल, डिझेलच्या किंमतीमध्ये होणारी दरवाढ, जीवनावश्यक वस्तूच्या वाढलेल्या किंमती यामुळे घरखर्च चालविताना गृहिणींना काटकसर, पदरमोड करावी लागते. पूर्वीच्या काळात शेतकरी स्वंयपूर्ण होता. खाद्यतेल व मसाल्याचे पदार्थ वगळता धान्य, डाळी, कडधान्ये, भाजीपाला व फुले या सार्‍याचे कृषी उत्पादन घेण्याकडे शेतकरीवर्र्गाचा कल होता. १९९० च्या दशकापासून खेड्यांमध्ये आधुनिक जीवनशैलीचे वारे घुसले आणि स्वंयपूर्णतकडे झुकलेल्या ग्रामीण जीवनशैलीने आधुनिकीची झालर पांघरुन रेडिमेड तयार मंडईतील भाजीपाला खरेदी करण्याची कास धरली गेली. दोन दशकात महागाईने कंबरडे मोडल्यानंतर गड्या आपली घरची मिठभाकरी अन् चटणी बरी म्हणून आता पुन्हा घरच्या दारी परसबागातून भाजीपाला उत्पादन घेण्याची चाकोरी पुन्हा सुरु झाली आहे. शेती आणि शेतकरी हे प्रकृतीच सौंदर्य आणि आधार परंपरागत कृषीला तंत्रज्ञानाची जोड दिल्यास बरेच काही साध्य होत जगाचा व्यापार एकमेकांशी निगडीत झाल्याने सध्या बाजारात देशी आणि विदेशी हायब्रीड उत्पादन देणारी बियाणे कृषी विद्यापीठाकडून निर्माण केली आहेत. पेणमधील खारभूमीचा खारेपाट वगळता तब्बल १० हजार हेक्टर क्षेत्रावरील भात लागवड क्षेत्रामधील शेताचे बांध, डोंगरउतार, माळराने, यांचा चार हजार हेक्टर क्षेत्रावर नागली पीकासह, भाजीपाला व वेलवर्गीय भाज्यांचे उत्पादन शेतकरी घेतो. मात्र पेणच्या पुर्वेकडील भाग हा डोंगराळ व लालबुंद मातीचा असल्याने येथील परिसरताील घराची बांधणी प्रत्येक घराच्या लगत असलेली ऐसपैस जागा. या सुटसुटीत रचनेमुळे घरालगत असणार्‍या मोकळ्या जागेत परसबागा करण्याची पूर्वापार चालत आलेली कृषीपुरक परंपरा आता मोठ्या उमेदीने सुरु झाली आहे. पेणच्या विनोबा भावेंच्या जन्मगाव असलेल्या गागोदे गावात ग्रामदान मंडळ आहे. या गावातील ७० ते ७५ घरासमोरील व पाठीमागील जागेत परसबाग लावण्यात मोठा वाटा आहे. आंबेघर, सावसई, वाक्रुळ, कामार्ली, वरसई, जावळी, निधवली, पाबळ, जिते, खारपाले या ग्रा. पं. च्या परिसरातील क्षेत्रात परसबागेतून भाजीपाला उत्पादन घेण्याकडे गावकर्‍यांचा कल आहे. (वार्ताहर)
पेणमध्ये परसबाग कामांना वेग
By admin | Updated: May 26, 2014 04:34 IST