लोकमत न्यूज नेटवर्क
ठाणे : जिल्ह्यातील रुग्णसंख्येत सोमवारी ३५४ रुग्णांची वाढ झाली असून, ११ रुग्ण गेल्या २४ तासांत दगावले. जिल्ह्यात आतापर्यंत पाच लाख ३८ हजार १३५ रुग्णांसह १० हजार ८५४ मृतांची संख्या नोंदली गेली आहे.
ठाणे शहरात ५८ रुग्ण आढळले. यासह येथील रुग्णसंख्या एक लाख ३४ हजार ४६९ झाली. तर तीन बाधित दगावल्याने मृतांची संख्या दोन हजार ४० झाली आहे. कल्याण-डोंबिवलीत ९७ रुग्ण आढळल्याने एकूण रुग्णसंख्या एक लाख ३७ हजार ६२८ झाली. येथे दिवसभरात मृत्यू नाही. यामुळे दोन हजार ६५० मृत्यू कायम आहेत. उल्हासनगरला सात रुग्णांच्या वाढीसह दोन मृत्यू झाले. आता येथील रुग्णसंख्या २० हजार ८९० झाली असून, ५२८ मृतांची संख्या नोंदली आहे. भिवंडीला दिवसभरात चार रुग्ण सापडले असून, एकही मृत्यू नाही. येथील एकूण रुग्ण १० हजार ६६० झाले असून, मृत्यू ४६६ कायम आहेत. मीरा-भाईंदरला ५२ रुग्णांची वाढ होऊन एका मृताची आहे. आता येथील रुग्णसंख्या ५१ हजार १४० झाली असून, एक हजार ३४४ मृतांची नोंद आहे.
अंबरनाथला १२ रुग्णांची वाढ झाली. तर एक जण दगावला. आता येथील रुग्णसंख्या १९ हजार ९१८ झाली असून, ५१९ मृतांची नोंद झाली आहे. कुळगाव-बदलापूरमध्ये २२ रुग्णांची भर पडली तर एक मृत्यू आहे. आता येथे २१ हजार ३६१ रुग्णांसह ३५० मृतांची नोंद झाली आहे. जिल्हा परिषदेच्या गावपाड्यांमध्ये ३३ रुग्ण आढळले असून, एकही मृत्यू नाही. या परिसरात आतापर्यंत ३९ हजार ९३४ रुग्णांची वाढ होऊन एक हजार १९५ मृतांची नोंद झाली आहे.